17-வது ஆசிய கிண்ண கால்பந்து போட்டி இன்று ஆரம்பமாகின்றது. ஐக்கிய அரபு அமீரகத்தில் உள்ள டுபாய், அபுதாபி, சார்ஜா, அல் அய்ன் ஆகிய 4 நகரங்களில் நடைபெறும் இந்தப் போட்டி இன்று முதல் பெப்ரவரி முதலாம் திகதி வரை நடைபெறவுள்ளது.
இதில் நடப்பு சம்பியன் அவுஸ்திரேலியா, 4 முறை கிண்ணத்தினை கைப்பற்றிய ஜப்பான் உள்பட 24 அணிகள் கலந்து கொள்கின்றன. கடந்த முறை 16 அணிகள் பங்கேற்ற இந்த போட்டியில் க முதல்முறையாக இந்தமுறை அணிகளின் எண்ணிக்கை 24 ஆக உயர்த்தப்பட்டுள்ளது.
6 பிரிவாக அணிகள் பிரிக்கப்பட்டுள்ள நிலையில் ஒவ்வொரு அணியும் தங்கள் பிரிவில் இடம் பெற்றுள்ள மற்ற அணிகளுடன் தலா ஒரு முறை போட்டியிடும். லீக் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் மற்றும் 3-வது இடம் பெறும் அணிகளில் 4 சிறந்த அணிகள் 2-வது சுற்றுக்கு முன்னேறும்.
அபுதாபியில் இன்று இரவு ஆரம்பமாகும் லீக் போட்டியில் போட்டியை நடத்தும் ஐக்கிய அரபு அமீரகம், பக்ரைனை எதிர்கொள்ளவுள்ளது என்பது குறிப்பிடத்தக்கது
