Home உலகம் அரசியல் முன் அனுபவம் இல்லை – ஊழலுக்கு எதிர் – முதல் பெண் ஜனாதிபதியானார் ஜுசானா..

அரசியல் முன் அனுபவம் இல்லை – ஊழலுக்கு எதிர் – முதல் பெண் ஜனாதிபதியானார் ஜுசானா..

by admin

எவ்வித அரசியல் முன் அனுபவமும் இல்லாது ஊழலுக்கு எதிரான நடவடிக்கைகளை முன்னிறுத்தி பிரச்சாரம் செய்த ஜுசானா காபுட்டோவா, ஸ்லோவேக்கியாவின் முதல் பெண் ஜனாதிபதியாக தேர்ந்தெடுக்கப்பட்டுள்ளார்.

ஜுசானா, தன்னை எதிர்த்து நாட்டின் ஆளும் கட்சி முன்னிறுத்திய வேட்பாளரான மார்ஸ் செபோகோவிக் என்பவரை தோற்கடித்து புதிய வரலாற்றை படைத்துள்ளார்.

இந்த தேர்தல் நன்மைக்கும், தீமைக்கும் இடையிலான போர் எனத் தெரிவித்தே அவர் தேர்தலில் போட்டியிருந்தநஜலையில் இவ்வாறு வெற்றி பெற்று சாதனை படைத்துள்ளார்.

கடந்த ஆண்டு ஸ்லோவேக்கியாவில் புலனாய்வு பத்திரிகையாளர் ஒருவர் கொல்லப்பட்டதை தொடர்ந்து இந்த தேர்தல் நடைபெற்றது.

ஜன் குசியாக் என்ற அந்த பத்திரிகையாளர் கடந்த ஆண்டு ஸ்லோவேக்கியாவின் அரசியல்வாதிகளுக்கும், திட்டமிட்டு நடத்தப்பட்ட குற்றங்களுக்கும் இடையிலான தொடர்புகள் குறித்து ஆய்வு நடத்தியபோது அவரது வருங்கால மனைவியுடன் சேர்த்து சுட்டுக் கொல்லப்பட்டிருந்தார்.

இந்நிலையில், தான் தேர்தலில் போட்டியிடுவது தொடர்பாக முடிவெடுத்ததற்கு குசியாக்கின் மரணம் ஒரு முக்கிய காரணம் என ஜுசானா கூறியிருந்தார்.

தேர்தலில் பதிவான வாக்குகள் பெரும்பாலும் எண்ணப்பட்டுள்ள நிலையில், ஆளும் கட்சியின் தரப்பில் நிறுத்தப்பட்ட வேட்பாளர் 42 சதவீத வாக்குகளை பெற்றிருந்த நிலையில், ஜுசானா 58 சதவீத வாக்குகளுடன் வரலாற்று சிறப்புமிக்க வெற்றியை பதிவு செய்துள்ளர்h.

சட்டவிரோதமாக நிலத்தில் குப்பைகளை குவித்தது தொடர்பாக ஸ்லோவேக்கியாவில் 14 ஆண்டுகள் நடந்த வழக்கொன்றை முன்னின்று எடுத்து சென்ற ஜுசானா, அதில் பெற்ற வெற்றியின் மூலம் நாடுமுழுவதும் சிறந்த வழக்கறிஞராக அறியப்பட்டிருந்தார்.

ஸ்லோவேக்கியாவின் பாராளுமன்றத்தில் ஓர் உறுப்பினரை கூட கொண்டிராத தாராளவாத முற்போக்கு கட்சியின் சார்பாக போட்டியிட்டு வெற்றிபெற்றுள்ள 45 வயதான ஜுசானா விவகாரத்தான இரண்டு குழந்தைகளுக்கு தாயாவார்.

இதுவரை ஓரினச்சேர்க்கையாளர்கள் திருமணமும், குழந்தைகளை தத்தெடுப்பதும் சட்டவிரோதமாக உள்ள அந்நாட்டில், அதற்கு மாறுபட்ட நிலைப்பாட்டை ஜூசானா கொண்டுள்ளார்.

ஜூசானாவை எதிர்த்து போட்டியிட்ட செபோகோவிக் ஐரோப்பிய ஆணையகத்தின் துணைத் தலைவராக உள்ளார் என்பது குறிப்பிடத்தக்கது.
000

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More