Home இலங்கை கரைச்சி பிரதேச சபை செயலாளருக்கு இடமாற்றம் – புதிய செயலாளரை நியமிப்பதில் நெருக்கடி

கரைச்சி பிரதேச சபை செயலாளருக்கு இடமாற்றம் – புதிய செயலாளரை நியமிப்பதில் நெருக்கடி

by admin

குளோபல் தமிழ்ச் செய்தியாளர்

கிளிநொச்சி கரைச்சி பிரதேச சபையின் செயலாளராக கடமையாற்றிய கம்சநாதன் கடந்த வாரம் முதல் பூநகரி பிரதேச சபையின் செயலாளராக இடமாற்றம் வழங்கப்பட்டுள்ள நிலையில் புதிய செயலாளரை நியமிப்பதில்நெருக்கடி ஏற்ப்பட்டுள்ளது என வட மாகாண உள்ளுராட்சி திணைக்கள அதிகாரிகள் தெரிவித்துள்ளனர்.

தற்போது கரைச்சி பிரதேச சபை புதிய செயலாளர் ஒருவர் நியமிக்கப்படவேண்டும் என்ற போதிலும் எவரும் கரைச்சி பிரதேச சபைக்கு செயலாளராக செல்வதற்கு முன்வரவில்லை என அவர் தெரிவித்துள்ளனர். கடந்த சில நாட்களுக்கு முன் ஒருவர் புதிதான கரைச்சி பிரதேச சபைக்கு செயலாளராக நியமிக்கப்பட்ட போதும் அவர் தான் கரைச்சி பிரதேச சபைக்கு செல்லவில்லை என சில காரணங்களை எழுத்து மூலம் அறிவித்து கடமைகளை பொறுப்பேற்கவில்லை.

இந்த நிலையில் புதிய செயலளர் ஒருவரை கரைச்சி பிரதேச சபைக்கு நியமிப்பதில் தொடர்ந்தும் நெருக்கடி நிலைமை ஏற்பட்டுள்ளது. வடக்கில் தகுதியான பலர் உள்ள போதும் எவரும் இதுவரை முன்வராமையே இந்த நெருக்கடிக்கு காரணம் என அதிகாரிகள் குறிப்பிடுகின்றனர்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More