வட்டுக்கோட்டை காவல்துறைபிரிவில் 120 கிலோ கிராம் கஞ்சா போதைப்பொருளை லொறி ஒன்றில் கடத்திச் சென்ற இருவர் கைது செய்யப்பட்டனர் என்று காவல்துறையினர் தெரிவித்தனர்.
போதைத் தடுப்பு காவல்துறையினர் இந்தக் கஞ்சா கடத்தலை முறியடித்தனர் என்று காவல்துறையினர் குறிப்பிட்டனர்.
“கீரிமலையைச் சேர்ந்த 25 வயதுடைய ஒருவரும் விஸ்வமடுவைச் சேர்ந்த 19 வயதுடைய ஒருவருமே இவ்வாறு கைது செய்யப்பட்டனர்.
சந்தேகநபர்கள் இருவரும் கீரிமலைப் பகுதியிலிருந்து சிறிய ரக லொறி ஒன்றில் சுமார் 120 கிலோ கிராம் எடையுடைய 60 கஞ்சா பொதிகளை கடத்திச் சென்ற போது கைது செய்யப்பட்டனர்.
லொறி, கஞ்சா என்பவற்றுடன் சந்தேகநபர்கள் இருவரும் வட்டுக்கோட்டை காவல் நிலையத்தில் ஒப்படைக்கப்பட்டுள்ளனர். மேலதிக விசாரணைகளை வட்டுக்கோட்டை காவல்துறையினர் முன்னெடுத்துள்ளனர்” என்றும் காவல்துறையினர் தெரிவித்தனர். #வட்டுக்கோட்டை #கஞ்சா #கைது
