2019ம் ஆண்டு ஜனாதிபதி தேர்தலுக்கான வாக்களிப்புகள் நாடளாவிய ரீதியில் இடம்பெற்று வருகின்றன. தேர்தலுக்கான வாக்களிப்புகள் இன்று (16.11.19) காலை 7 மணிக்கு ஆரம்பமாகிய நிலையில், மாலை 5 மணிவரை இடம்பெறவுள்ளன.
இந்நிலையில் இதுவரையிலான காலப்பகுதியில் கிளிநொச்சியில் 30% வாக்குப்பதிவுகளும் காலியில் 25% வாக்குப்பதிவுகள் இடம்பெற்றுள்ள நிலையில், குருணாகலில் 30 முதல் 35% வரையிலான வாக்குப் பதிவுகள் இடம்பெற்றுள்ளன. நுவரெலியாவில் 40% வாக்குப்பதிவுகளும், களுத்துறையில் 20% வாக்குப்பதிவுகளும் இடம்பெற்றுள்ளதாக தெரிவிக்கப்படுகிறது.
இதேவேளை வவுனியாவில் 25% வாக்குப்பதிவுகளும் இரத்தினபுரியில் 40% வாக்குப்பதிவுகளும், மட்டக்களப்பு மாவட்டத்தில் 19% வாக்குப்பதிவுகளும், கம்பஹாவில் 30% வாக்குப்பதிவுகளும், கண்டியில் 30%, வாக்குப்பதிவுகளும், மொனராகலையில் 45% வாக்குப்பதிவுகளும், அநுராதபுரத்தில் 30%, வாக்குப்பதிவுகளும் பொலநறுவையில் 20% வாக்குப் பதிவுகளும், மன்னாரில் 30% வாக்குப்பதிவுகளும் புத்தளத்தில் 40% வாக்குப்பதிவுகளும் மாத்தறையில் 30% வாக்குப்பதிவுகளும் இடம்பெற்றுள்ளதாக அறியப்படுகிறது.
