Home உலகம்நிலைமை மேலும் மோசமாகும் – பிரிட்டன் பிரதமர் – நியூயோர்க் முடக்கப்படாது – கொரோனா மரணம்தானா?
உலகம்பிரதான செய்திகள்

நிலைமை மேலும் மோசமாகும் – பிரிட்டன் பிரதமர் – நியூயோர்க் முடக்கப்படாது – கொரோனா மரணம்தானா?

by admin
written by admin
    • போரிஸ் ஜான்சன்
      Copyright: PA

      கொரோனா வைரஸ் தொற்றால் பிரிட்டனில் நிலைமை மேலும் மோசமாக உள்ளதாக பிரிட்டன் பிரதமர் பொரிஸ் ஜோன்சன் எச்சரித்துள்ளார். கொரோனா தொற்று உறுதி செய்யப்பட்டு தன்னை தனிமைப்படுத்திக் கொண்டிருக்கும் பிரதமர் போரிஸ் ஜான்சன், தேவைப்பட்டால் பிரிட்டனில் மேலும் கடுமையான கட்டுப்பாடுகள் கொண்டுவரப்படும் என்றும் தெரிவித்தார்.

      கொரோனா தொற்றால் பிரிட்டனில் இதுவரை 17,089 பேர் பாதிக்கப்பட்டுள்ளனர். உயிரிழந்தவர்களின் எண்ணிக்கை ஆயிரத்தை கடந்துவிட்டது. இது தொடர்பாக30 மில்லியன் மக்களின் வீட்டிற்கு கடிதம் அனுப்பிய பிரதமர், “தொடக்கத்தில் இருந்தே சரியான நேரத்தில் அனைத்து நடவடிக்கைகளையும் எடுத்து வருகிறோம். மேலும் நடவடிக்கை எடுக்க எந்த தயக்கமும் இருக்காது” என்று எழுதியிருந்தார்.

      மேலும் அந்த கடிதத்தில், “உங்களிடம் நான் இதனை சொல்வது முக்கியம். நிலைமை மேலும் மோசமாகும். ஆனால், நாங்கள் அனைத்து நடவடிக்கையும் எடுத்து வருகிறோம். நாம் எவ்வளவு அதிக கட்டுப்பாடுகளை பின்பற்றுகிறோமா, அவ்வளவு குறைவான உயிரிழப்புகள் நேரும். விரைவில் வாழ்க்கை இயல்பு நிலைக்கு திரும்பும்” என்று பொரிஸ் ஜோன்சன் குறிப்பிட்டுள்ளார்.

      நியூயார்க் நகரத்தை முடக்குவது குறித்து ஜனாதிபதி டிரம்ப் ஆலோசனை?
      டிரம்ப்
      Copyright: Getty Images

      நியூயார்க் நகரத்தை முழுமையாக தனிமைப்படுத்துவது குறித்து பரிசீலனை செய்து வந்த அமெரிக்க ஜனாதிபதி டொனால்ட் டிரம்ப், தற்போது அந்த முடிவில் இருந்து பின்வாங்கியுள்ளார்.

      இந்த வைரஸ் தொற்றின் மையமாக நியூயார்க் இருப்பதால், வைரஸ் பரவலை கட்டுப்படுத்தும் நடவடிக்கையாக அந்நகரத்தை தனிமைப்படுத்துவது குறித்து சிந்திப்பதாக செய்தியாளர்களிடம் அவர் கூறியிருந்தார்.

      அமெரிக்காவில் கொரோனாவால் பாதிக்கப்பட்டோரின் எண்ணிக்கை ஒரு லட்சத்தை கடந்துவிட்ட நிலையில், இதில் நியூயார்க்கில் மட்டும் 52,000 பேர் பாதிக்கப்பட்டுள்ளதாக டிரம்ப் குறிப்பிட்டார்.

      ஆனால், ஜனாதிபதி  டிரம்பின் இந்த யோசனையை நியூயார்க் ஆளுநர் கடுமையாக விமர்சித்தார். இது ”விபரீதமானது”, ”அமெரிக்காவிற்கு எதிரானது”, ”போர் அறிவிப்பு போன்றது” என்று நியூயார்க் ஆளுநர் ஆன்ட்ரு தெரிவித்தார்.

      நியூயார்க்கில் ஏற்கனவே மக்களை தனிமைப்படுத்துவதற்கான நடவடிக்கைகளை மேற்கொண்டுள்ளதாகவும், மக்கள் அதிகமாக பொது இடங்களில் கூடுவதற்கு தடை விதிக்கப்பட்டுள்ளது என்றும் ஆளுநர் கூறியுள்ளார். எனவே அந்நகரை முழுமையாக முடக்குவதற்கு ஆளுநர் அண்ட்ரு எதிர்ப்பு தெரிவித்தார்.

      “நியூயார்க்கிற்கு முழுமையாக தடை விதித்தால், சீனாவின் வுஹான் போல நாம் ஆகிவிடுவோம், இதனால் எந்த பலனும் இல்லை” என்றும் அவர் குறிப்பிட்டார்.

      இதனால் எதிர்பார்க்காத அளவிற்கு பங்கு சந்தை வீழ்ச்சி அடையும், மீள முடியாத அளவிற்கு அமெரிக்க பொருளாதாரம் கடுமையாக பாதிக்கப்படும் என்றும் அவர் குறிப்பிட்டார். இந்நிலையில்தான் நியூயார்க்கை முடக்குவது குறித்து ஆலோசனை நடத்தி வந்த அதிபர் டிரம்ப், தற்போது அந்த முடிவில் இருந்து பின்வாங்கியுள்ளார்.

      கொரோனா வைரஸ் தொற்று ஏற்பட்டாலே மரணம்தானா?

      கொரோனா வைரஸ் தொற்றால் ஒருவர் உயிரிழக்கும் வாய்ப்பு 0.5% – 1% இருப்பதாக பிரிட்டன் அரசாங்கத்தின் அறிவியல் ஆலோசகர்கள் நம்புகின்றனர். கொரோனா தொற்று இருப்பது உறுதிப்படுத்தப்பட்டவர்களின் இறப்பு விகிதத்தை விட இது குறைவாக உள்ளது.

      உலகளவில் கொரோனா தொற்று இருப்பது உறுதி செய்யப்பட்டவர்களின் இறப்பு விகிதம் 4 சதவீதமாக உள்ளதாக உலக சுகாதார அமைப்பின் தரவுகள் கூறுகின்றன. பிரிட்டனில் மார்ச் 23ஆம் தேதிவரை இறப்பு விகிதம் 5 சதவீதமாக இருந்தது. ஏனெனில், அனைத்து தொற்றுகளும் பரிசோதனை மூலம் உறுதி செய்யப்படுவதில்லை.

      யார் யாருக்கெல்லாம் பரிசோதனை செய்யவேண்டும் என்ற முடிவை அந்தந்த நாடுகளே எடுக்கின்றன. அதனால், ஒவ்வொரு நாட்டில் எத்தனை பேர் பாதிக்கப்பட்டிருக்கிறார்கள் அல்லது அந்நாட்டின் இறப்பு விகிதத்தை தரவுகளுக்காக எடுத்துக் கொள்ள முடியாது. கொரோனா வைரஸ் தொற்றால் வயதானவர்கள் மற்றும் உடல்நலம் சரியில்லாதவர்கள் உயிரிழக்கும் அபாயம் அதிகம் உள்ளது.

      80 வயதிற்கு மேல் உடையவர்களின் இறப்பு விகிதம் சுமார் 10 முறை அதிகமாக இருப்பதாகவும், அதுவே 40 வயதிற்கு கீழ் இருப்பவர்களின் இறப்பு விகிதம் குறைந்து காணப்படுவதாகவும் லண்டன் இம்பீரியல் கல்லூரி கணக்கீடுகள் கூறுகின்றன. வயதானவரகளுக்கான இறப்பு விகிதம் அதிகமாக இருந்தாலும், பெரும்பான்மையான முதியவர்களை, மிதமான அளவிலேயே கொரோனா தாக்கியுள்ளது. அதே நேரத்தில் இது இளம் வயதினரை தாக்காது என்று கூறமுடியாது. இளம் வயதை சேர்ந்த சிலர் தீவிர சிகிச்சை பிரிவில் அனுமதிக்கப்பட்டுள்ளனர்” என்று எச்சரிக்கிறார் பிரிட்டன் அரசாங்கத்தின் தலைமை மருத்துவ ஆலோசகர் பேராசிரியர் கிரிஸ் விட்டி.

      THANKS – BBC

Spread the love
 
 
      

Related News

உயிர்த்த ஞாயிறு தாக்குதல் விசாரணை: கோட்டாபய ராஜபக்ஸ உள்ளிட்டோருக்கு வெளிநாட்டு...

பஹ்ரைனில் உள்ள அமெரிக்க கடற்படையின் 5-வது கடற்படைத் தலைமையகம் மீது...

யாழ். பல்கலைக்கழக வெசாக் கூடு சேதமாக்கல்: வதந்திகளை நம்ப வேண்டாம்...

யாழில் ஒரு கோடியே 15 இலட்சம் ரூபா திருட்டு: சிறுவன்...

பாலியல் தொழில் சட்டப்பூர்வமானது: காவற்துறையினர் தலையிட அதிகாரமில்லை! உச்ச நீதிமன்றம்...

செம்மணி புதைகுழி அகழ்வில் தாயத்துடன் மனித எலும்புக்கூடு மீட்பு!

யாழ்ப்பாணப் பொது நூலகம் எரிக்கப்பட்டதன் 45ஆம் ஆண்டு நினைவேந்தல்!

நீதித்துறையின் சுயாதீனத்தை கேள்விக்குள்ளாக்கும் திடீர் இடமாற்றங்கள்: ஜனாதிபதிக்கு யாழ்ப்பாணம் சட்டத்தரணிகள்...

900 ஆண்டுகள் பழமையான “பியூஃபோர்ட் கோட்டை” (Beaufort Castle) மற்றும்...

பிரான்சில் காவல்துறை துப்பாக்கிச் சூட்டில் ஈழத்தமிழர் உயிரிழப்பு — முல்லைத்தீவு...

@2023 - Global Tamil News, All Right Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More