கோப்பாய் கட்டைப்பிராய் பகுதியில் அதிகளவான மதுபான போத்தல்களை கொண்டு சென்றார் என்ற குற்றச்சாட்டில் 28 வயதுடைய இளைஞன் ஒருவர் கோப்பாய் காவல்துறையினரால் நேற்று மாலை கைது செய்யப்பட்டுள்ளார். இந்த சம்பவம் தொடர்பில் மேலும் தெரியவருவதாவது,
நீண்ட நாட்களின் பின்னர் மதுபான சாலைகளை திறப்பதற்கு அரசாங்கம் அனுமதி அளித்திருந்தது. இந்நிலையில் கட்டைப்பிராய் பகுதியில் இளைஞன் ஒருவனை காவல்துறையினர் வழி மறித்து சோதனையிட்ட போது அவரிடமிருந்து 24 போத்தல் சாராயப் போத்தல்களை மீட்டுள்ளனர்.
சாதாரண நபர் ஒருவருக்கான கொள்வனவுக்கு அதிகமாக மதுபான போத்தல்களை கொண்டு சென்றார் என்ற குற்றச்சாட்டில் குறித்த இளைஞன் கைது செய்யப்பட்டுள்ளார்.கைது செய்யப்பட்ட இளைஞன் மற்றும் கைப்பற்றப்பட்ட மதுபான போத்தல்களை நீதிமன்றத்தில் முன்னிலைப்படுத்துவதற்கான நடவடிக்கைகளை காவல்துறையினர் மேற்கொண்டுள்ளனர்
