25 ஆண்டுகளுக்குப்பின் யூரோ கால்பந்துக்கிண்ண போட்டியின் அரையிறுதி போட்டிக்கு தகுதிபெற்றுள்ள இங்கிலாந்து அணி அரையிறுதி போட்டியில் டென்மார்க் அணியுடன் போட்டியிடவுள்ளது.
நேற்றையதினம் ரோம் நகரில் உள்ள ஸ்டேடியா ஒலிம்பி்க் மைதானத்தில் நடைபெற்ற காலிறுதிப் போட்டியில் உக்ரைன் அணியை 0-4 என்ற கோல் கணக்கில் வென்று இங்கிலாந்து அணி அரையிறுதிக்கு தகுதி பெற்றது
கடந்த 1996-ம் ஆண்டு கடைசியாக அரையிறுதிக்கு இங்கிலாந்து அணி தகுதி பெற்றிருந்ததன்பின் 25 ஆண்டுகளுக்குப்பின் இப்போது அரையிறுதிக்கு முன்னேறியுள்ளது. அதேவேளை செக் குடியரசை வீழ்த்திய டென்மார்க், 1992-ம் ஆண்டுக்கு பின்னா் 29 ஆண்டுகளுக்குப்பின் அரையிறுதிக்குள் நுழைந்துள்ளமையும் . குறிப்பிடத்தக்கது
