Home இலங்கை உயிர்த்த ஞாயிறுத் தாக்குதல் – சஹ்ரானின் “மதர்போர்ட்” எங்கே?

உயிர்த்த ஞாயிறுத் தாக்குதல் – சஹ்ரானின் “மதர்போர்ட்” எங்கே?

by admin

உயிர்த்த ஞாயிறுத் தாக்குதலில் ஒரு புறம் முன்னாள் ஜனாதிபதி மைத்திரிபால சிறிசேனவை பிடிக்கப் பார்க்கின்றனர். மறுபுறம் சேவை செய்த புலனாய்வு பிரிவினரைப் பிடிக்கப் பார்க்கின்றனர். புலனாய்வு பிரிவினருக்கு ஆயுதங்களை எடுத்துச் சென்று எவரையும் சுட முடியாது. அவர்களால் தகவல்களை பகிர மாத்திரமே முடியும் என இராஜாங்க அமைச்சர் தயாசிறி ஜயசேகர தெரிவித்துள்ளார்.

இது தொடர்பான பல கலந்துரையாடல்களில் தானும் கலந்துகொண்டதாக தெரிவித்த அவர், உயிர்த்த ஞாயிறுத் தாக்குதல் இடம்பெற்ற அன்று காலையில் கூட நிலந்த ஜயவர்தன இந்தத் தகவல்களை காவற் துறையினருக்கு வழங்கினார். ஏனெனில் அவரால் தகவல்களை மாத்திரமே வழங்க முடியும் தவிர ஆயுதங்களை எடுத்துச் சென்று எவரையும் சுட முடியாது.

இத்தாக்குதலின் பிரதான தற்கொலைதாரி, சஹ்ரானின் அலைபேசியின் மதர்போர்டை (motherboard )யார் எடுத்தது என்பது குறித்து யாராவது கேட்டுள்ளார்களா என கேள்வி எழுப்பினார்.
இதனை எடுக்கும் போது காவற்துறையினரும் எதிர்ப்பு தெரிவித்ததுடன் நீதிமன்றமும் உத்தரவு ஒன்றை பிறப்பித்தது. வேறொரு நாட்டுக்கு புலனாய்வுக்காக எடுத்துச் செல்ல கட்டளையிட்டது யார்? எனவே அவற்றையே முதலில் தேட வேண்டும்.

இத்தாக்குதலை நடத்திய நபரின் அலைபேசியில் தானே சகல விடயங்களும் இருக்கும். எனவே, இந்த அலைபேசியின் மதர்போர்டை வேறொரு நாட்டுக்கு புலனாய்வுக்காக எடுத்துச் செல்வார்களாயின் அதற்கு இந்த நாட்டு காவற்துறை மற்றும் நீதிமன்றம் அனுமதி வழங்குமாயின்
அந்த தாக்குதலின் பிரதான சூத்திரதாரி யார் என்பதை அந்த மதர்போர்டை எடுத்துச் சென்றவரிடம் கதைத்து தெரிந்துக்கொள்ளலாம் என்றார்.

எனவே முன்னாள் ஜனாதிபதி, அமைச்சர்கள்,உறுப்பினர்கள் மீது விரல் நீட்டுவதால் எந்த பலனும் கிடைத்து விடப்போவதில்லை. இது தொடர்பில் யாரும் கதைக்கமாட்டார்கள். ”நாம் எப்போதும் கூறுவது இது மைத்திரிபால சிறிசேனவை கட்டம்கட்டும் ஒரு நடவடிக்கை என சகலருக்கும் தெரியும். அதேப்போல் அவரை அதிகாரத்திலிருந்து கீழிறக்கியதும் ஒர் அரசியல் சதியாகும். பிரதமர் மஹிந்த ராஜபக்ஸவை பிரதமாகக் கொண்டு வந்ததன் பின்னரே அந்த சதி நடந்தது என தயாசிறி ஜெயசேகர தெரிவித்துள்ளார்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More