யாழ். காவல் நிலையத்தில் முறைப்பாடு செய்ய சென்றவர் உயிரிழப்பு

யாழ்ப்பாண நகர மத்தி பகுதியில் ஓடுகள் விற்பனை செய்யும் கடையொன்றினை உயிரிழந்தவர் நடாத்தி வந்திருந்தார். அவரிடம் ஓடு வாங்கிய இளைஞன் ஒருவர் , மிகுதி பணத்தினை வழங்காது காலம் கடத்தி வந்துள்ளார்.  அந்நிலையில் நேற்றைய தினம் வெள்ளிக்கிழமை இளைஞனுக்கும் முதியவருக்கு இடையில் வாய்த்தர்க்கம் ஏற்பட்டதில் , இளைஞன் முதியவரை தாக்கியுள்ளார்.

தான் தாக்கப்பட்ட சம்பவம் தொடர்பில் யாழ்ப்பாண  காவல் நிலையத்தில் முறைப்பாடு செய்ய சென்றவர் , காவல் நிலையத்தினுள் மயங்கி விழுந்து உயிரிழந்துள்ளார்.

 உயிாிழந்தவாின்  சடலம் உடற்கூற்று பரிசோதனைக்காக யாழ்.போதனா வைத்தியசாலையில் ஒப்படைக்கப்பட்டுள்ள நிலையில் ,   உயிாிழந்தவரை தாக்கிய இளைஞனை  காவல்துறையினர் கைது செய்து ,  காவல்  நிலையத்தில் தடுத்து வைத்து விசாரணைகளை முன்னெடுத்து வருகின்றனர்.

அதேவேளை கடந்த வாரம் இளைஞர் ஒருவர் உயிர்மாய்த்த சம்பவம் தொடர்பில் யாழ்ப்பாண காவல் நிலையத்தில் வாக்குமூலம் அளிக்க சென்ற மூதாட்டி ஒருவரும்  காவல் நிலையத்தில் மயங்கி விழுந்து உயிரிழந்திருந்தார் என்பது குறிப்பிடத்தக்கது.