தம்புத்தேகம, ஏரியகம பிரதேசத்தில் இன்று (04) அதிகாலை இடம்பெற்ற வாகன விபத்தில் ஒரே குடும்பத்தைச் சோ்ந்த 5 போ் உயிரிழந்துள்ளனர். குறித்த விபத்தில் படுகாயமடைந்த 8 பேர் வைத்தியசாலையில் அனுமதிக்கப்பட்ட நிலையில் அவர்களில் ஐவர் உயிரிழந்துள்ளதாக காவல்துறையினா் தொிவித்துள்ளனா். .
குருநாகலில் இருந்து அநுராதபுரம் நோக்கி பயணித்த லொறி ஒன்று வீதியோரத்தில் நின்றிருந்த போது , அதே திசையில் பயணித்த வான் ஒன்று லொறியின் பின்பகுதியில் மோதியதில் இந்த விபத்து இடம்பெற்றுள்ளதாக காவல்துறையினா் தொிவித்துள்ளனா். . குறித்த வானில் வந்த ஒரே குடும்த்தைச் சோ்ந்தவா்கள் கடவுச்சீட்டை பெற்றுக்கொண்டு திரும்பும் வழியில் இந்த அனர்த்தத்தை எதிர்நோக்கியுள்ளனர். வானின் சாரதி அதிக வேகத்தில் வாகனத்தை செலுத்தியமையினால் வேகக்கட்டுப்பாட்டை இழந்து விபத்து இடம்பெற்றுள்ளமை விசாரணைகளில் தெரியவந்துள்ளது.
