எல்லா உலகும் சிறக்கும் அறிவு

எல்லா உலகும் சிறக்கும் அறிவு
எமதெனவே ஆக வேண்டும்

பாடசாலை போக வேண்டும்
பாடமெல்லாம் படிக்க வேண்டும்
வாழும் உலகம் வாழ வேண்டும்
படிப்பறிவு உதவ வேண்டும்

கணக்கு வழக்கு நுணுக்கம்  வேண்டும்
தாய்மொழியில் சிறக்க வேண்டும்
எம்மொழியும் எமக்கு வேண்டும்
எழுந்து நிமிர்ந்து செல்ல வேண்டும்

கற்பனையை வளர்க் கவேண்டும்
சிந்தனையைத் தூண்ட வேண்டும்
கேள்விகளை எழுப்ப வேண்டும்
விடைகள் தேடிச் செல்ல வேண்டும்

படைக்கும் ஆற்றல் கிடைக்க வேண்டும்
செயற்பாடு நடக்க வேண்டும்
உற்பத்திகள் செய்யும் அறிவை
உருவாக்கும் பள்ளி வேண்டும்

விரும்பிச் செல்லும் பள்ளி வேண்டும்
விளையாட்டாய் படிப்பும் வேண்டும்
எல்லா உலகும் சிறக்கும் அறிவு
எமதெனவே ஆகவேண்டும்

சி.ஜெயசங்கர்