நயினாதீவில் புத்தர் சிலை திருடிய குற்றத்தில் இளைஞன் கைது!

யாழ்ப்பாணம் நயினாதீவில் உள்ள பழைய விகாரையில் இருந்து புத்தர் சிலையை திருடிய குற்றச்சாட்டில் இளைஞன் ஒருவர் கைது செய்யப்பட்டுள்ளார்.

விகாரையில் இருந்த புத்தர் சிலையை திருடிக்கொண்டு, படகில் ஏறி குறிகாட்டுவான் பகுதிக்கு சென்ற நிலையில்  புத்தர் சிலையுடன் அவர் கைது செய்யப்பட்டார்.

கைது செய்யப்பட்ட இளைஞனை மேலதிக சட்ட நடவடிக்கைக்காக ஊர்காவற்துறை  காவல்  நிலையத்தில் ஒப்படைக்கப்பட்ட நிலையில் , காவற்துறை  விசாரணையில் இளைஞன் மனநிலை பாதிக்கப்பட்டவர் என்பது தெரிய வந்துள்ளது.

மேலதிக விசாரணையின் பின்னர் இளைஞனை ஊர்காவற்துறை நீதவான் நீதிமன்றில் முற்படுத்த காவற்துறையினர் நடவடிக்கை எடுத்துள்ளனர்.