போலி இந்திய கடவுச்சீட்டுகளை பயன்படுத்தி இந்தியாவிற்குள் நுழைந்ததாகக் கூறப்படும் இலங்கையைச் சேர்ந்த ஒரு தாயும் மகளும் சென்னையில் கைது செய்யப்பட்டுள்ளனர்.
இருவரும் கடந்த திங்கட்கிழமை ( 16.06.25) சென்னையில் தரையிறங்கினர், இந்திய குடியேற்ற அதிகாரிகள் ஆவணங்களை ஆய்வு செய்தபோது, 48 வயது பெண்ணும் அவரது 21 வயது மகளும் சென்னை முகவரியுடன் கூடிய இந்திய கடவுச்சீட்டுகளை எடுத்துச் செல்வது கண்டுபிடிக்கப்பட்டது.
சுற்றுலா விசாவில் இலங்கைக்கு சென்றதாக இருவரும் கூறியிருந்தனர், ஆனால் இருவரும் விசாரணைக்காக தடுத்து வைக்கப்பட்டனர்.
அதன் பிறகு சிறிது நேரத்திலேயே, இருவரும் இலங்கையைச் சேர்ந்தவர்கள் என்பதும், கடந்த சில ஆண்டுகளாக சென்னையில் சட்டவிரோதமாக தங்கியிருந்ததும் உறுதி செய்யப்பட்டது.
அவர்கள் இந்தியாவில் அடையாளச் சான்றுகளைப் பெற போலி ஆவணங்களைப் பயன்படுத்தியுள்ளனர், மேலும் போலி இந்திய கடவுச்சீட்டுகளையும் பயன்படுத்தினர்.
இருவரையும் கைது செய்து சென்னையில் உள்ள மத்திய குற்றப்பிரிவிடம் அதிகாரிகள் ஒப்படைத்தனர், போலி கடவுச்சீட்டுடுகளைப் பெற உதவிய நபர் குறித்தும் அதிகாரிகள் விசாரணையைத் தொடங்கியுள்ளனர்.
