யாழில் மோட்டார் சைக்கிளில் பயணித்துக்கொண்டிருந்தவர் மீது மிளகாய் தூள் வீசி தாக்குதல்

மானிப்பாய் காவற்துறைப் பிரிவுக்கு உட்பட்ட பகுதியில் நேற்றைய தினம் திங்கட்கிழமை (23.06.25)  நடைபெற்ற குறித்த சம்பவம் தொடர்பில் தெரியவருவதாவது.

தனது பிள்ளைகளை பாடசாலையில் இறக்கி விட்டு , மோட்டா சைக்கிளில் ,  வீடு திரும்பிக்கொண்டிருந்த நபர் மீது கட்டுடை பகுதியில் , பிறிதொரு மோட்டார் சைக்கிளில் வந்த இரு நபர்கள் மிளகாய் தூளை வீசியுள்ளனர்.

அதனால் , நிலை தடுமாறு விபத்துக்களானவர் மீது கூரிய ஆயுதத்தால் , சரமாரியாக தாக்குதலை மேற்கொண்டு விட்டு இரு நபர்களும் அவ்விடத்தில் இருந்து தப்பி சென்றுள்ளனர்.

படுகாயமடைந்த நிலையில் , காணப்பட்டவரை வீதியில் சென்றவர்கள் மீட்டு , வைத்தியசாலையில் அனுமதித்துள்ளனர்.

சம்பவம் தொடர்பில் மானிப்பாய் காவற்துறைனர் தீவிர விசாரணைகளை முன்னெடுத்துள்ளனர்.