இளைஞன் நிர்வாணமாக்கி சித்திரவதை – பிரதான சந்தேகநபர் 11 மாதங்களின் பின் கைது

குறித்த சந்தேகநபரை கைது செய்வதற்கு  காவல்துறையினர் பல தடவைகள் முயன்ற போதிலும் வடமாகாண  காவல்  உயர் அதிகாரிகளின் தலையீடுகள் காரணமாக கைது செய்ய முடியாதுகாவல்துறையினர்  திண்டாடி வந்த நிலையில் இன்றைய தினம் புதன்கிழமை திருநெல்வேலி பகுதியில் உள்ள தனியார் மருத்துவ மனையில் சிகிச்சை பெற்று வரும் நபர் ஒருவரை சந்தேக நபர் பார்வையிட வந்த வேளை காவல்துறை  புலனாய்வு துறையினரால் கைது செய்யப்பட்டுள்ளார்.

கைது செய்யப்பட்ட நபரை கோப்பாய் காவல் நிலையத்தில் தடுத்து வைத்து விசாரணைகளை முன்னெடுத்து வரும்  காவல்துறையினர் நாளைய தினம் வியாழக்கிழமை யாழ் . நீதவான் நீதிமன்றில் முற்படுத்த நடவடிக்கை எடுத்துள்ளனர்.

குறித்த பிரதான சந்தேகநபருக்கும் வடமாகாணத்தில் கடமையாற்றும்  காவல்துறை   உயர் அதிகாரிகளுக்கும் இடையில் நெருக்கமான தொடர்புகள் காணப்பட்டமையால் , சந்தேகநபரை கைது செய்வதற்கு அதிகாரிகள் தடையேற்றப்படுத்தி வந்தனர் எனவும் , கடந்த ஓரிரு மாதங்களுக்கு முன்னர் சந்தேக நபர் தொடர்பிலான தகவல்கள் கிடைக்கப்பெற்று சிவில் உடையில் , தனியார் ஒருவரின் முச்சக்கர வண்டியில் சந்தேக நபரை கைது செய்வதற்கு  காவல்துறை   குழு சென்ற வேளை சந்தேக நபர் தப்பி சென்றிருந்த நிலையில் , தனியாருக்கு சொந்தமான முச்சக்கர வண்டியில் சிவில் உடையில் காவல்துறையினர்  பயணித்தமை தொடர்பில் விசாரணைகள் நடாத்தி காவல்துறையினருக்கு அழுத்தம் கொடுக்கப்பட்டு இருந்தமையும் குறிப்பிடத்தக்கது.