184
என்ன நடந்தது?
மக்களின் குற்றச்சாட்டு
நீதிக்கான குரல்
முல்லைத்தீவு மாவட்ட வைத்தியசாலையில் சிகிச்சை பெற்று வந்த 12 வயதுடைய சிறுமி ஒருவர் உயிரிழந்த சம்பவம் அப்பகுதியில் பெரும் சோகத்தையும் அதிர்வலைகளையும் ஏற்படுத்தியுள்ளது.
என்ன நடந்தது?முல்லைத்தீவு, சிலாவத்தை பகுதியைச் சேர்ந்த இந்த சிறுமி, கடந்த டிசம்பர் 20-ஆம் திகதி ஒவ்வாமை (Allergy) காரணமாக முல்லைத்தீவு மாவட்ட வைத்தியசாலையில் அனுமதிக்கப்பட்டார். எனினும், சிகிச்சை பெற்று வந்த நிலையில் கடந்த 21-ஆம் திகதி சிறுமி பரிதாபமாக உயிரிழந்தார்.
மக்களின் குற்றச்சாட்டுவைத்தியசாலையில் சிறுமிக்கு செலுத்தப்பட்ட தடுப்பூசி (Injection) காரணமாகவே இந்த உயிரிழப்பு நேரிட்டதாக உயிரிழந்த சிறுமியின் உறவினர்களும் பிரதேச மக்களும் பகிரங்கமாகக் குற்றம் சாட்டுகின்றனர்.
நீதிக்கான குரல்இன்று (24) சிறுமியின் இறுதிக்கிரியைகள் நடைபெற்றன. இதன்போது, சிறுமியின் நண்பர்கள் மற்றும் சக மாணவர்கள் அவரது பூதவுடலைச் சுமந்து சென்று, “சிறுமிக்கு நீதி வேண்டும்” என கோஷமிட்டதுடன், உயிரிழப்பு குறித்து முறையான விசாரணை நடத்தப்பட வேண்டும் என வலியுறுத்தினர்.
சம்பவம் குறித்து சுகாதாரத் துறையினர் மற்றும் சம்பந்தப்பட்ட அதிகாரிகள் உரிய விசாரணைகளை முன்னெடுத்து, உண்மைத் தன்மையை வெளிப்படுத்த வேண்டும் என்பதே மக்களின் எதிர்பார்ப்பாகும்.
Spread the love
