💔புத்தாண்டில் கத்திக் குத்து: பருத்தித்துறை பிரதேச சபை உறுப்பினரின் கணவர் கொடூரமாகக் கொலை! 🚨

யாழ்ப்பாணம் மருதங்கேணி பகுதியில் புத்தாண்டு தினமான இன்று இடம்பெற்ற கத்திக் குத்துச் சம்பவத்தில், பருத்தித்துறை பிரதேச சபை உறுப்பினரின் கணவர் உயிரிழந்துள்ளார்.

சம்பவம் குறித்து தெரியவருவதாவது:

மருதங்கேணியில் உள்ள குறித்த பிரதேச சபை உறுப்பினரின் வீட்டிற்கு முன்பாக இன்று காலை போதையில் வந்த நபர் ஒருவர், அங்கிருந்தவர்களை வெளியே வருமாறு கூறி கடும் அட்டகாசத்தில் ஈடுபட்டுள்ளார்.

சிறிது நேரத்தின் பின்னர் அவர் அங்கிருந்து சென்ற நிலையில், பிரதேச சபை உறுப்பினரின் கணவர் தனது வீட்டில் இருந்து மருதங்கேணி நோக்கி பயணித்துள்ளார். இதன்போது, வீரபத்திரர் ஆலயத்திற்கு அருகில் பதுங்கியிருந்த அதே நபர், அவரை வழிமறித்து சரமாரியாக கத்தியால் குத்திவிட்டு தப்பிச் சென்றுள்ளார்.

சிகிச்சை பலனின்றி உயிரிழப்பு:

கத்திக் குத்தில் படுகாயமடைந்த அவர், உடனடியாக மீட்கப்பட்டு மருதங்கேணி வைத்தியசாலையில் அனுமதிக்கப்பட்ட போதிலும், சிகிச்சை பலனின்றி உயிரிழந்துள்ளார்.

இச்சம்பவம் குறித்து பொலிஸார் மேலதிக விசாரணைகளை முன்னெடுத்து வருவதுடன், தப்பிச் சென்ற சந்தேகநபரை தேடி வருகின்றனர். புத்தாண்டு தினத்தில் இடம்பெற்ற இந்தத் துயரச் சம்பவம் அப்பகுதியில் பெரும் சோகத்தை ஏற்படுத்தியுள்ளது.

#Jaffna #Maruthankeny #PointPedro #CrimeNews #NewYearTragedy #SrilankaNews #BreakingNews #LocalNews #யாழ்ப்பாணம் #மருதங்கேணி #பருத்தித்துறை #செய்திகள்