📢 சபாநாயகரிடம் அர்ச்சுனா ஆவேசம்: “கஜேந்திரகுமார் அருகே என்னால் அமர முடியாது!”

யாழ். மாவட்ட நாடாளுமன்ற உறுப்பினர்களுக்கு இடையிலான மோதல் நாடாளுமன்றத்தில் இன்று சூடுபிடித்தது. தமிழ்த்தேசிய மக்கள் முன்னணியின் தலைவர் கஜேந்திரகுமார் பொன்னம்பலம் தன்மீது அவதூறான வார்த்தைகளைப் பிரயோகித்ததாக சுயேச்சை உறுப்பினர் ராமநாதன் அர்ச்சுனா பகிரங்கமாக குற்றம் சாட்டியுள்ளார்.

🔴 முக்கிய குற்றச்சாட்டுகள்:

• அவதூறான பேச்சு: கஜேந்திரகுமார் பொன்னம்பலம் தனது தாயாரைக் குறிப்பிட்டு மிகவும் கீழ்த்தரமான முறையில் பேசியதாக அர்ச்சுனா சபாநாயகரிடம் தெரிவித்தார்.

• இருக்கை மாற்றம்: “அவர் அருகில் அமர எனக்கு விருப்பமில்லை. எனது இருக்கையை உடனடியாக மாற்ற வேண்டும்” என அவர் வலியுறுத்தினார்.

• எச்சரிக்கை: “எனது இருக்கையை மாற்றாவிட்டால், சபையில் அவருக்கு ஏதேனும் அசம்பாவிதம் நடந்தால் அதற்கு என்னை மட்டும் குறை கூறாதீர்கள்” என ஆவேசமாக எச்சரிக்கை விடுத்தார்.

• சிறப்புரிமைக் குழு: கஜேந்திரகுமார் பொன்னம்பலத்தை நாடாளுமன்ற சிறப்புரிமைக் குழுவிலிருந்து உடனடியாக நீக்க வேண்டும் என்றும் அவர் கோரிக்கை விடுத்தார்.

யாழ். மாவட்ட நாடாளுமன்ற உறுப்பினர்களுக்கு இடையிலான இந்த நேரடி மோதல் அரசியல் வட்டாரத்தில் பெரும் பரபரப்பை ஏற்படுத்தியுள்ளது.

🔍 மேலதிக தகவல்கள்:

நாடாளுளுமன்ற அமர்வுகளின் போது இரு உறுப்பினர்களுக்கும் இடையே ஏற்பட்ட வாக்குவாதம் முற்றிய நிலையில், அர்ச்சுனா தனது பாதுகாப்பையும் கௌரவத்தையும் கருத்திற்கொண்டு இந்த கோரிக்கைகளை முன்வைத்துள்ளதாகத் தெரிகிறது.

#SrilankaParliament #JaffnaPolitics #DrArchchuna #GajendrakumarPonnambalam #ParliamentNews #TamilPolitics #BreakingNewsTamil #PoliticalClash #SLnews