இந்திய ராணுவத் தளபதி   இலங்கை வந்துள்ளாா்

இந்திய ராணுவத் தளபதி ஜெனரல் உபேந்திர திவேதி, இரு நாடுகளுக்கும் இடையிலான பாதுகாப்பு உறவுகளை வலுப்படுத்தும் நோக்கில் உத்தியோகபூர்வ பயணமாக இலங்கை வந்துள்ளார். இலங்கை ராணுவத் தளபதி மற்றும் பாதுகாப்புத் துறை உயர் அதிகாரிகளுடன் இருதரப்பு பாதுகாப்பு ஒத்துழைப்பு, பிராந்திய பாதுகாப்பு மற்றும் கூட்டுப் பயிற்சிகள் குறித்து அவர் ஆலோசனை நடத்தவுள்ளார்.

அத்துடன் ஜனாதிபதி அநுர குமார திஸாநாயக்க மற்றும் பிரதமர் கலாநிதி ஹரிணி அமரசூரிய ஆகியோரைச் சந்தித்து இரு நாட்டு பாதுகாப்பு நலன்கள் குறித்து உரையாடுவார் என எதிர்பார்க்கப்படுகிறது.

மேலும் இந்திய-இலங்கை ராணுவங்களுக்கு இடையே நடைபெறும் கூட்டுப் பயிற்சிகளின் முக்கியத்துவம் மற்றும் எதிர்கால திட்டங்கள் குறித்து இந்த பயணத்தின் போது விரிவாக விவாதிக்கப்படுவதுடன் போரின் போது உயிர்நீத்த இந்திய அமைதி காக்கும் படையினரின் (IPKF) நினைவிடத்திற்குச் சென்று அவர் மரியாதை செலுத்தவுள்ளார்.

இலங்கையில் புதிய அரசாங்கம் அமைந்த பிறகு, இந்திய உயர்மட்ட ராணுவ அதிகாரி ஒருவர் மேற்கொள்ளும் மிக முக்கியமான பயணமாக இது பார்க்கப்படுகிறது. இது இந்தியப் பெருங்கடல் பிராந்தியத்தில் (Indian Ocean Region) நிலவும் பாதுகாப்பு சூழலை உறுதிப்படுத்துவதில் முக்கிய பங்கு வகிக்கும்.

Tag Words: #IndianArmy #SriLanka #GeneralUpendraDwivedi #DefenceCooperation #IndoSriLanka #MilitaryDiplomacy #Colombo #BreakingNewsTamil