நடிகர் கமல்ஹாசன் தனது பெயர், புகைப்படம் மற்றும் ‘உலக நாயகன்’ என்ற பட்டத்தை அனுமதியின்றி வணிக ரீதியாகப் பயன்படுத்துவதைத் தடுக்க சென்னை உயர் நீதிமன்றத்தில் வழக்குத் தொடந்துள்ள செய்தி சினிமா மற்றும் சட்ட வட்டாரங்களில் பெரும் பரபரப்பை ஏற்படுத்தியுள்ளது.
தனது ஆளுமை மற்றும் நற்பெயரை (Personality Rights) பாதுகாக்கும் நோக்கில், நடிகர் கமல்ஹாசன் இந்த சட்டப்பூர்வமான நடவடிக்கையை எடுத்துள்ளார்.
தனது அனுமதி இல்லாமல் தனது பெயர், நிழற்படம் (Image), குரல் (Voice) மற்றும் ‘உலக நாயகன்’ என்ற பட்டத்தைப் பல்வேறு நிறுவனங்கள் தங்களின் லாபத்திற்காகப் பயன்படுத்துவதற்குத் தடை விதிக்க வேண்டும் என அவர் கோரியுள்ளார்.
குறிப்பாக விளம்பரங்கள், வணிகப் பொருட்கள் மற்றும் டிஜிட்டல் தளங்களில் தனது அடையாளத்தைப் பயன்படுத்திப் பொதுமக்கள் தவறாக வழிநடத்தப்படுவதைத் தவிர்க்கவே இந்த முயற்சி என அவர் தரப்பில் தெரிவிக்கப்பட்டுள்ளது.
இந்த மனுவை விசாரித்த சென்னை உயர் நீதிமன்றம், கமல்ஹாசனின் அடையாளங்களை அனுமதியின்றிப் பயன்படுத்த இடைக்காலத் தடை விதித்து உத்தரவிட்டுள்ளது.
ஒரு பிரபலம் தனது பெயர் மற்றும் உருவத்தின் மூலம் ஈட்டிய நற்பெயரை, மற்றவர்கள் வணிக ரீதியாகச் சுரண்டுவதைத் தடுக்கும் உரிமையே ஆளுமை உரிமை (Personality Rights) என்பதாகும்.
ஏற்கனவே பொலிவுட் நடிகர் அமிதாப் பச்சன் மற்றும் சூப்பர் ஸ்டார் ரஜினிகாந்த் ஆகியோர் இவ்வாறான சட்டப்பூர்வ பாதுகாப்பைப் பெற்றுள்ளனர் என்பது குறிப்பிடத்தக்கது.
இந்த உத்தரவின் மூலம், இனி கமல்ஹாசனின் உருவத்தையோ அல்லது ‘உலக நாயகன்’ என்ற பெயரையோ அவரது எழுத்துப்பூர்வ அனுமதி இன்றி டி-சர்ட்டுகள், போஸ்டர்கள், மொபைல் ஆப்ஸ்கள் அல்லது எந்தவொரு வணிக விளம்பரங்களுக்கும் பயன்படுத்த முடியாது. மீறுபவர்கள் மீது நீதிமன்ற அவமதிப்பு நடவடிக்கை எடுக்கப்படும்.
Tag Words: #KamalHaasan #UlagaNayagan #MadrasHigh Court #PersonalityRights #IdentityProtection #KollywoodNews #LegalAction #CinemaLaw
