188
ஜனாதிபதி டிரம்ப் இன்று (ஜனவரி 21, 2026) சுவிட்சர்லாந்தின் டாவோஸ் நகரை சென்றடைந்தார். பயணத்தின் போது அவரது விமானத்தில் ஏற்பட்ட சிறிய தொழில்நுட்பக் கோளாறு காரணமாக பயணத்தில் சற்று தாமதம் ஏற்பட்டது. எனினும், அவர் சென்றிங்கிய போது உலக நாடுகளின் பார்வை அவர் மீதே இருந்தது.
டிரம்ப் தனது பிரம்மாண்டமான ‘மெரைன் ஒன்’ (Marine One) ஹெலிகாப்டர் மூலம் டாவோஸ் சென்றடைந்தார். அவரைப் பார்க்கவும், அவரது உரையைக் கேட்கவும் உலக நாடுகளின் தலைவர்கள், சி.இ.ஓ-க்கள் மற்றும் பிரதிநிதிகள் நீண்ட வரிசையில் காத்திருந்தனர்.
டாவோஸ் வரலாற்றிலேயே சுமார் 400 பேர் அடங்கிய மிகப்பெரிய அமெரிக்கத் தூதுக்குழுவை டிரம்ப் இம்முறை அழைத்து சென்றுள்ளார். இதில் அமெரிக்க வெளியுறவுத் துறை அமைச்சர் மார்கோ ரூபியோ மற்றும் நிதித்துறை அமைச்சர் ஸ்காட் பெசன்ட் உள்ளிட்ட முக்கியப் புள்ளிகள் இடம்பெற்றுள்ளனர்.
டாவோஸ் அரங்கில் ஆற்றிய உரையில், கிரீன்லாந்தை (Greenland) அமெரிக்காவுடன் இணைக்கும் தனது விருப்பத்தை டிரம்ப் மீண்டும் உறுதிப்படுத்தினார். மேலும், கனடா மற்றும் நேட்டோ (NATO) நாடுகள் குறித்து அவர் வெளியிட்ட கருத்துக்கள் உலக அரங்கில் பெரும் விவாதத்தை ஏற்படுத்தியுள்ளன.
டிரம்பின் வருகைக்கு எதிர்ப்பு தெரிவித்து சுவிட்சர்லாந்தின் பல்வேறு நகரங்களில் போராட்டங்கள் நடைபெற்றன. குறிப்பாக டாவோஸ் மலைச்சரிவுகளில் “போர்களை நிறுத்து” (Stop wars now) போன்ற வாசகங்கள் எழுதப்பட்டு அவரது கவனத்தை ஈர்க்கும் முயற்சிகள் நடந்தன.
Spread the love
