இலங்கையின் மறுசீரமைப்புப் பணிகளுக்கு (Rebuilding Sri Lanka) ஐக்கிய நாடுகள் சபை (UN) தனது முழுமையான ஆதரவைத் தொடர்ந்தும் வழங்கும் என இலங்கைக்கான ஐக்கிய நாடுகளின் வதிவிட ஒருங்கிணைப்பாளர் மார்க்-ஆன்ட்ரே பிரான்ச் (Marc-André Franche) உறுதி அளித்துள்ளார்.
நேற்று (ஜனவரி 23, 2026) கிராமிய அபிவிருத்தி, சமூக பாதுகாப்பு மற்றும் சமூக வலுவூட்டல் அமைச்சில் நடைபெற்ற சந்திப்பின் போதே இந்த உறுதிமொழி வழங்கப்பட்டது.
சூறாவளி அனர்த்தத்திற்குப் பின்னரான மேலாண்மை, மறுசீரமைப்பு மற்றும் பாதிக்கப்பட்ட சமூகங்களின் ஊட்டச்சத்து தேவைகளைப் பூர்த்தி செய்ய ஐ.நா வழங்கிய ஒத்துழைப்பிற்கு அமைச்சர் பேராசிரியர் உபாலி பன்னில தனது நன்றிகளைத் தெரிவித்தார்.
அனர்த்தங்களால் பாதிக்கப்பட்ட மக்களுக்கு நிவாரணம் வழங்கவும், சேதமடைந்த பகுதிகளை மீட்டெடுக்கவும் அரசாங்கம் எடுத்துள்ள துரித நடவடிக்கைகளை மார்க்-ஆன்ட்ரே பிரான்ச் வெகுவாகப் பாராட்டினார்.
தேசிய மறுசீரமைப்பு, அனர்த்தத்திற்குப் பின்னரான நிவாரணப் பணிகள் மற்றும் பாதிக்கப்பட்ட மக்களின் வாழ்வாதாரத்தை மேம்படுத்துதல் குறித்து இந்தச் சந்திப்பில் விரிவாக ஆராயப்பட்டது.
Tag Words: #UNSriLanka #RebuildingSri Lanka #DisasterManagement #RuralDevelopment #UNResidentCoordinator #LKA #NationalRecovery #InternationalAid
