லிபியாவின் மறைந்த முன்னாள் தலைவர் முஅம்மர் கடாபியின் மிகவும் செல்வாக்கு மிக்க மகனும், அவரது அரசியல் வாரிசாகக் கருதப்பட்டவருமான சைஃப் அல்-இஸ்லாம் கடாபி (53), துப்பாக்கிச் சூட்டில் கொல்லப்பட்டதாகத் தகவல்கள் வெளியாகியுள்ளன.
📍 மேற்கு லிபியாவில் உள்ள ஜின்தான் (Zintan) நகரில் உள்ள அவரது இல்லத்தில், முகமூடி அணிந்த நான்கு ஆயுததாரிகள் இந்தத் தாக்குதலை நடத்தியுள்ளனர். தாக்குதலுக்கு முன்னதாக அந்த இல்லத்தின் பாதுகாப்புக் கேமராக்கள் செயலிழக்கச் செய்யப்பட்டதாகவும், நேரடி மோதலுக்குப் பிறகு அவர் சுட்டுக் கொல்லப்பட்டதாகவும் அவரது அரசியல் ஆலோசகர் மற்றும் வழக்கறிஞர்கள் உறுதிப்படுத்தியுள்ளனர்.
🔍 கடாபி ஆட்சிக் காலத்தில் லிபியாவின் மிக முக்கிய அதிகார மையமாகத் திகழ்ந்தவர். 2011 புரட்சிக்குப் பிறகு பல ஆண்டுகள் சிறைவாசத்தில் இருந்தவர். சமீபகாலமாக லிபிய அதிபர் தேர்தலில் போட்டியிடத் தயாராகி வந்த இவர், அந்நாட்டு அரசியலில் மீண்டும் ஒரு முக்கிய சக்தியாக உருவெடுத்து வந்தார். லிபிய அரசின் தலைமை வழக்கறிஞர் அலுவலகம் இந்தத் தாக்குதல் குறித்து முறையான விசாரணையைத் தொடங்கியுள்ளது. இது ஒரு திட்டமிட்ட படுகொலை என அவரது தரப்பு குற்றம் சாட்டியுள்ளது.
லிபியாவின் தற்போதைய பதற்றமான சூழலில், இந்தச் சம்பவம் பெரும் அரசியல் அதிர்வலைகளை ஏற்படுத்தியுள்ளது.
#Libya #Gaddafi #SaifAlIslam #BreakingNews #MiddleEastPolitics #LibyaNews #GaddafiSon #Assassination #WorldNews #TamilNews #லிபியா #கடாபி #செய்திகள்
