காணாமல் போன நால்வரும் சடலங்களாக  மீட்பு

சிலாபம் – தெதுறு ஓயாவில் இன்று(5)  நீராடச் சென்று காணாமல் போன நால்வரும் சடலங்களாக  மீட்கப்பட்டுள்ளனா். கிரிபத்கொடையில் இருந்து   சிலாபத்திற்கு சுற்றுலா சென்ற 10 பேர் கொண்ட குழுவினா்  சிலாபத்தில் உள்ள தெதுரு ஓயாவில் நீராடச் சென்றிருந்த நிலையில் அவா்களில் 5 பேர் காணாமல் போயிருந்தனர்.

காணாமல் போனவர்களில் ஒருவர் மட்டுமே பாதுகாப்பாக மீட்கப்பட்டு   சிலாபம் வைத்தியசாலையில் சிகிச்சைகளுக்காக அனுமதிக்கப்பட்டுள்ளார்.

இதனை அடுத்து காணாமல் போன ஏனையவர்களை தேடும் நடவடிகையில்  காவல்துறையினா் , காவல்துறை  உயிர் காப்பு பிரிவினர், கடற்படையினர் மற்றும் பிரதேச மக்களும் இணைந்து முன்னெடுத்திருந்த நிலையில் காணாமல் போன நால்வரும் நீரில் மூழ்கி உயிரிழந்த நிலையில்   சடலங்களாக மீட்கப்பட்டுள்ளனா்