வங்காள விரிகுடாவின் தென்கிழக்கு பகுதியில் நிலை கொண்டிருந்த ஆழ்ந்த காற்றழுத்த தாழ்வு மண்டலம் தற்போது தீவிர சூறாவளியாக வலுப்பெற்று, கிழக்கு கடற்கரையை நோக்கி நகர்ந்து வருகிறது.
இந்த சூறாவளியானது கிழக்கு கடற்கரையிலிருந்து சுமார் 200 – 300 கி.மீ தொலைவில் நிலை கொண்டுள்ளது. இது அடுத்த 12 முதல் 24 மணிநேரத்திற்குள் கரையை கடக்கும் என எதிர்பார்க்கப்படுகிறது.
கரையை கடக்கும் போது மணிக்கு 80 முதல் 100 கி.மீ வேகத்தில் பலத்த காற்று வீசக்கூடும் என வானிலை ஆய்வு மையம் எச்சரித்துள்ளது.
மேலும் சூறாவளியின் தாக்கம் காரணமாக கிழக்கு கடற்கரை மாவட்டங்களில் ( , முல்லைத்தீவு, திருகோணமலை, மட்டக்களப்பு) அதீத கனமழை பெய்யக்கூடும். கடல் அலைகள் 2 முதல் 3 மீட்டர் உயரத்திற்கு எழக்கூடும் என்பதால், மீனவர்கள் கடலுக்குச் செல்ல வேண்டாம் என அறிவுறுத்தப்பட்டுள்ளனர்.
தாழ்வான பகுதிகளில் வசிக்கும் மக்கள் பாதுகாப்பான இடங்களுக்கு அல்லது அனர்த்த நிவாரண மையங்களுக்கு மாற்றப்பட்டு வருகின்றனர்.
அனர்த்த முகாமைத்துவ பிரிவினர் மற்றும் கடற்படையினர் அவசர மீட்பு பணிகளுக்காக தயார் நிலையில் வைக்கப்பட்டுள்ளனர்.
கடற்கரை ஓரங்களில் உள்ள மரங்கள் மற்றும் விளம்பர பலகைகள் குறித்து மக்கள் அவதானமாக இருக்குமாறு கேட்டுக்கொள்ளப்பட்டுள்ளனர்.
Tag Words: #CycloneAlert #EastCoast #WeatherUpdate #BreakingNews #CycloneWatch #SafetyFirst #StormSurge #SriLankaWeather #IndiaEastCoast
