🐕  இமயமலைப் பனிப்புயலில் சிக்கி பதின்ம வயதினர் உயிாிழப்பு  – 4 நாட்கள் அவா்களது  உடல்களுக்கு அருகிலேயே காத்திருந்த  நாய்  

இமயமலையில் ஏற்பட்ட கடும் பனிப்புயலில் சிக்கி இரண்டு பதின்ம வயது இளைஞர்கள் உயிரிழந்த நிலையில், அவர்களின் வளர்ப்பு நாய் நான்கு நாட்களாக உடல்களுக்கு அருகிலேயே காத்திருந்து தனது விசுவாசத்தை வெளிப்படுத்திய நெகிழ்ச்சியான சம்பவம் வெளிச்சத்திற்கு வந்துள்ளது.

கடும் குளிரையும் பொருட்படுத்தாமல், உயிரிழந்த தனது எஜமானர்களைக் காத்து நின்ற அந்த நாயின் செயல் மீட்புக் குழுவினரையே கண்ணீரில் ஆழ்த்தியுள்ளது.

இமயமலையின் உயரமான பகுதியில் மலையேற்றத்தில் ஈடுபட்டிருந்த இரண்டு இளைஞர்கள் திடீரென ஏற்பட்ட பனிப்புயலில் சிக்கி உயிரிழந்துள்ளனர்.

மீட்புக் குழுவினர் நான்கு நாட்களுக்குப் பிறகு உடல்களைக் கண்டெடுத்தபோது, அந்த நாய் பசியோடும் கடும் குளிரோடும் உடல்களுக்குப் பாதுகாப்பாக அமர்ந்திருந்தது.

மீட்புக் குழுவினர் வரும்வரை உடல்களை விட்டு அந்த நாய் நகரவில்லை. நாய் குரைக்கும் சத்தத்தை வைத்தே மீட்புக் குழுவினரால் உடல்கள் இருக்கும் இடத்தை அடையாளம் காண முடிந்தது.

அந்த நாய் பாதுகாப்பாக மீட்கப்பட்டு, தற்போது உரிய மருத்துவ சிகிச்சைகள் வழங்கப்பட்டு வருகின்றன. அதன் உடல்நிலை சீராக இருப்பதாகத் தெரிவிக்கப்பட்டுள்ளது. விலங்குகளுக்கும் மனிதர்களுக்குமான ஆழமான பிணைப்பை இந்தச் சம்பவம் உலகிற்கு மீண்டுமொருமுறை பறைசாற்றியுள்ளது.

கடுமையான வானிலையின் போது வீடியோக்களை  எடுப்பதற்காக  வெளியே சென்றபோது, ​​பர்மூரில் உள்ள பர்மணி கோயில் அருகே விக்சித் ராணா (19) மற்றும் அவரது உறவினர் பியூஷ் குமார் (14) ஆகியோரே இவ்வாறு பனியில் சிக்கி இறந்தனர். நான்கு நாட்களுக்குப் பிறகு, ஜனவரி 26 அன்று மீட்புப் பணியாளர்களும் கிராம மக்களும் இணைந்து அவர்களது உடல்களை ளை மீட்டனா் என்பது குறிப்பிடத்தக்கது

Tag Words: #Himalayas #DogLoyalty #HeartwarmingStory #SnowstormRescue #FaithfulPet #NatureNews #SurvivalStory #HeroDog #GlobalNews2026