அஜித் பிறந்தநாளை முன்னிட்டு அவரது ரசிகன் கொடுக்கும் பரிசு!

அஜித்தின் பிறந்தநாளை முன்னிட்டு அவரது ரசிகன் ஆர்.கே.சுரேஷ் அஜித் ரசிகர்களுக்கு மே 1ஆம் திகதி சிறப்பு விருந்தளிக்க உள்ளதாக அறிவித்துள்ளார்.  தமிழ் சினிமாவில் முன்னணி நடிகரான அஜித்திற்கு தனி ரசிகர்பட்டாளமே உள்ளது. தமிழ் சினிமாவில் உள்ள பல நடிகர், நடிகைகளுக்கு முன்மாதிரியாகவும், உத்வேகம் அளிப்பராகவும் இருக்கிறார்.

இந் நிலையில் உழைப்பாளர்கள் தினமான மே 1ஆம் திகதி அன்று அஜித் தனது பிறந்தநாளை கொண்டாடுகிறார். அஜித் ரசிகர்கள் பிறந்தநாளுக்கு 2 மாதத்திற்கு முன்பே அஜித் பிறந்தநாளை கவனப்படுத்தியுள்ளனர்.

அவரது பிறந்தநாளுக்கு இன்னும் 50 நாட்களே இருக்கும் நிலையில், அஜித்தின் தீவிர ரசிகரும், நடிகரும், தயாரிப்பாளருமான ஆர்.கே.சுரேஷ் அஜித் பிறந்தநாளில் கவனத்தை ஈர்க்கும் பரிசு ஒன்றைக் கொடுக்கிறார்.

ஆர்.கே.சுரேஷ் தற்போது பில்லா பாண்டி என்ற திரைப்படத்தில் நடித்து வருகிறார். இந்த படத்தில் அஜித்தின் தீவிர ரசிகனாக ஆர்.கே.சுரேஷ் நடிக்கிறார். விரைவில் வெளியாகவுள்ள இந்தப் படத்தில் அஜித் புகழ் பாடும் ஒரு பகுதி ஒன்று பில்லா பாண்டி படத்தில் இருந்து வெளியாக இருப்பதாக ஆர்.கே.சுரேஷ் அறிவித்திருக்கிறார்.