இ சிகரெட் விற்பனைக்கு இந்தியாவில் தடை

இந்தியாவில் இ சிகரெட் விற்பனைக்கு தடை விதித்து மத்திய அரசு உத்தரவிட்டுள்ளது. சிகரெட்டை போன்றே இ சிகரெட்டும் புற்று நோயை ஏற்படுத்தும் ஆபத்து உள்ளதால் அதற்கு தடை விதிப்பது குறித்து ஆய்வு செய்ய 3 துணைக்குழுக்களை அமைத்துள்ளதாக அண்மையில் நாடாளுமன்ற மாநிலங்களவையில் மத்திய சுகாதாரத் துறை அமைச்சர் ஜே.பி.நட்டா தெரிவித்திருந்தார்

இந்த நிலையில், இந்தியாவில் இ சிகரெட் விற்பனைக்கு தடை விதித்து மத்திய அரசு உத்தரவிட்டு உள்ளது. டெல்லியில் நடைபெற்ற மத்திய சுகாதாரத் துறை அதிகாரிகள் கூட்டத்தில் இதற்கான முடிவு எடுக்கப்பட்டுள்ளது. அத்துடன் இ சிகரெட் தயாரிக்கும் மற்றும் விற்பனை செய்யும் நிறுவனங்கள் மீது கடும் நடவடிக்கை எடுக்குமாறு மாநில மற்றும் யூனியன் பிரதேச அரசுகளுக்கு சுற்றறிக்கை அனுப்பப்படும் எனவும் சுகாதாரத்துறை அதிகாரிகள் தெரிவித்தனர்.