இலங்கை பிரதான செய்திகள்

ஆனந்த சுதாகரனின் விடுதலை குறித்து ஜனாதிபதியிடம் இருந்து பதில்….

அரசியல் கைதி ஆனந்த சுதாகரனின் விடுதலை குறித்து வடக்கு மாகாண கல்வி அமைச்சர் கலாநிதி சர்வேஸ்வரனின்  கோரிக்கை கடிதத்திற்கு ஜனாதிபதியின் பதில் கிடைக்கப்பெற்றுள்ளது.

அரசியல் கைதி ஆனந்த சுதாகரனின் விடுதலையை வலியுறுத்தி வடக்கு மாகாண கல்விச்சமூகத்தால் பெறப்பட்ட மூன்று லட்சம் கையெழுத்துக்கள் அடங்கிய மகஜர் கடந்த 18.06.2018 அன்று ஜனாதிபதி மைத்திரிபால சிறிசேன அவர்களிடம் வடக்கு மாகாண கல்வி அமைச்சர் தன்னுடைய கோரிக்கை கடிதத்தையும் இணைத்து கிளிநொச்சியில் வைத்து கையளித்திருந்தார்.

ஜனாதிபதியின் செயலாளர் ஒஸ்ரின் பெனான்டோ  சார்பில் ஜனாதிபதியின் சட்டத்திற்குப் பொறுப்பான மேலதிக செயலாளர் லக்சுமி ஜெயவிக்கிரம  ஒப்பமிட்டு 20.06.2018 திகதியிட்டு மாகாண கல்வி அமைச்சுக்கு அந்தப்பதில் கடிதம் அனுப்பப்பட்டுள்ளது.

இந்தக்கடிதத்தில் ஜனாதிபதிக்கு இது தொடர்பில் பல வேண்டுகோல்கள் விடுக்கப்பட்டுள்ளன. இது விடயம் தொடர்பில் ஏற்கனவே உரிய கரிசனை எடுக்கப்பட்டுள்ளது. இவ்விடயத்தில் சரியான சட்ட நடைமுறைகளைப்பின்பற்றி செயற்படுவதென தீர்மானிக்கப்பட்டுள்ளது. அந்த வகையில் இவ்விடயம் தொடர்பாக தீர்மானம் மேற்கொள்ளப்பட்டதும் மேலதிக தொடர்புகள் மேற்கொள்ளப்படும் என தெரிவிக்கப்பட்டுள்ளது.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.