139
வடமேற்கு சீனாவில் உள்ள ஹார்பின் நகரில் உள்ள பிரபல விடுதி ஒன்றில் ஏற்பட்ட தீ விபத்தில் சிக்கி 18 பேர் உயிரிழந்துள்ளதுடன் மேலும் பலர் காயமடைந்துள்ளனர் என தெரிவிக்கப்பட்டுள்ளது. இன்று அதிகாலை வேளையில் 4 தளங்கள் கொண்ட விடுதியின் ஒரு தளத்தில் பற்றிய தீயானது ஏனைய தளங்களுக்கும் பரவியதாக தெரிவிக்கப்பட்டுள்ளது.
தகவலறிந்து சம்பவ இடத்துக்கு சென்ற தீயணைப்புத்துறையினர் சுமார் 3 மணி நேரம் போராடி தீயை கட்டுப்பாட்டுக்குள் கொண்டு வந்ததாகவும் தெரிவிக்கப்பட்டுள்ளது. காயங்களுடன் மீட்கப்பட்ட 19 பேர் மருத்துவமனையில் சேர்க்கப்பட்டுள்ளனர் எனவும் தீ விபத்துக்கான காரணம் குறித்து விசாரணை நடத்தப்பட்டு வருகிறது எனவும் தெரிவிக்கப்பட்டுள்ளது.
Spread the love
