இலங்கை பிரதான செய்திகள்

மன்னார் கட்டுக்கரைக்  கிணற்றினுள்,  வெடி பொருட்கள் மீட்பு ..

குளோபல் தமிழ்ச் செய்தியாளர்..

மன்னார் முருங்கன் கட்டுக்கரைக் கோர மோட்டை பகுதியில் யுத்தம் காரணமாக கைவிடப்பட்டிருந்த காணியில் உள்ள கிணற்றினுள் கடந்த புதன் கிழமை கண்டு பிடிக்கப்பட்ட ஒரு தொகுதி வெடி பொருட்களை விசேட அதிரடிப்படையினர் மற்றும் காவற்துறையினர் இணைந்து நேற்று ஞாயிற்றுக்கிழமை (9.09.18) மாலை மீட்டுள்ளனர்.

குறித்த கிராமத்தில் யுத்தம் காரணமாக கைவிடப்பட்டிருந்த காணியினை அதன் உரிமையாளர் கடந்த புதன் கிழமை துப்பரவு செய்துள்ளார்.

அதன் போது அந்தக் காணியில் காணப்பட்ட கிணற்றினை துப்பரவு செய்யும் போது, கிணற்றில் ஆபத்தை விளைவிக்கும் வெடி பொருட்கள் காணப்படுவதை அவதானித்த வீட்டின் உரிமையாளர் உடனடியாக முருங்கன் காவல் நிலையத்தில் முறைப்பாடு செய்துள்ளார்.

முறைப்பாட்டை தொடர்ந்து அந்தப் பகுதிக்கு சென்ற காவற்துறையினர் மிகவும் ஆழமாக காணப்பட்ட குறித்த கிணற்றுக்குள் அதிகமான வெடி பொருட்கள் வெடிக்காத நிலையில் இருப்பதை அவதானித்துள்ளனர்.

அனைத் தொடர்ந்து குறித்த பகுதியின் பாதுகாப்பிற்கு மேலதிக காவற்துறையினரை கடமையில் ஈடுபடுத்தியுள்ளதோடு, சம்பவம் தொடர்பாக மன்னார் நீதிமன்றத்தின் கவனத்திற்கு கொண்டு சென்றனர்.

மன்னார் நீதிமன்னத்தின் அனுமதியோடு நேற்று ஞாயிற்றுக்கிழமை (9) மாலை விசேட அதிரடிப்படையினர் மற்றும் காவற்துறையினர் இணைந்து கிணற்றினுள் உள்ள அனைத்து வெடி பொருட்களையும் மிகவும் பாதுகாப்பாக அகற்றியுள்ளதோடு, மீட்கப்பட்ட வெடி பொருட்களை செயலிழக்கச் செய்யும் நடவடிக்கைகளில் ஈடுபட்டு வருவதாக தெரிவிக்கப்பட்டுள்ளது.

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.