இந்திய ஜனாதிபதி தேர்தலுக்கான வாக்குப்பதிவுகள் ஆரம்பமாகியுள்ளன

இந்தியாவின் 14வது  ஜனாதிபதியை தேர்வு செய்வதற்கான   தேர்தலுக்கான வாக்குப்பதிவு இன்று இந்தியா முழுவதும் இடம்பெறுகின்றது. காலை 10 மணிக்கு ஆரம்பமான  வாக்குப்திவுகள் விறவிறுப்பாக நடைபெறுவதாக இந்திய தகவல்கள் தெரிவிக்கின்றன.

காலை 10 மணி முதல் மாலை 5 மணிவரை வாக்களிக்கலாம். நாடு முழுவதும் 4896 நாடாளுமன்ற   மற்றும் சட்டமன்ற உறுப்பினர்கள்    வாக்களிக்கின்றனர்.

தற்போதைய  ஜனாதிபதி; பிரணாப் முகர்ஜியின் பதவிக்காலம் எதிர்வரும் 25ம் திகதியுடன்  முடிவடையவுள்ள நிலையில்  இன்று தேர்தல் நடைபெற்று வருகிறது.

இந்தத் தேர்தலில் பாஜக சார்பில் ராம்நாத் கோவிந்த்தும் காங்கிரஸ் உள்ளிட்ட எதிர்க்கட்சிகள் சார்பில் முன்னாள் மக்களவைத் தலைவர் மீரா குமாரும் போட்டியிடுகின்றனர்.