212
தென்கிழக்கு ஆப்கானிஸ்தானில் காவல் பயிற்சி நிலையத்தில் தீவிரவாதிகள் நடத்திய தாக்குதலில் 32 பேர் பலியாகியுள்ளனர். அத்துடன் 70க்கும் மேற்பட்டோர் காயமடைந்துள்ளதாக ஆப்கானிஸ்தான் உள்துறை அமைச்சு தெரிவித்துள்ளது.
தீவிரவாதிகளால் துப்பாக்கிச் சூடு மற்றும் குண்டு வெடிப்பு மேற்கொள்ளப்பட்டதாகவும் உயிரிழந்தவர்களில் பெண்கள், குழந்தைகள், காவல்துறையினர் உள்ளடங்குவதாகவும் தெரிவிக்கப்பட்டுள்ளது.
தாக்குதல் நடத்திய தீவிரவாதிகள்மீது தமது பாதுகாப்புப் படையினர் நடத்திய பதில் தாக்குதலின்போது 6 தீவிரவாதிகள் கொல்லப்பட்டுள்ளதாகவும் ஆப்கானிஸ்தான் உள்துறை அமைச்வு குறிப்பிட்டுள்ளது.
இதேவேளை காயமடைந்து மருத்துவமனையில் அனுமதிக்கப்பட்டவர்களில் பலரது நிலைமை கவலைக்கிடமாக உள்ளமையால் பலியானவர்களின் எண்ணிக்கை அதிகரிக்கும் என்றும் அந்நாட்டு ஊடகம் ஒன்று குறிப்பிட்டுள்ளது.
Spread the love
