ஜார்கண்ட் மாநிலம் லேட்கர் மாவட்டத்தில் பாதுகாப்புப் படையினர் உடனான துப்பாக்கிச்சண்டையில் ஐந்து மாவேயிஸ்டுகள் கொல்லப்பட்டுள்ளதாக தெரிவிக்கப்பட்டுள்ளது. .சத்தீஸ்கர், ஜார்கண்ட் மாநிலத்தில் நக்சலைட்கள் மற்றும் மாவோயிஸ்ட்களின் ஆதிக்கம் அதிகரித்து வருகின்ற நிலையில். அவர்கள் காவல்துறையினர் மற்றும் பாதுகாப்பு படையினத் மீது தாக்குதால்கள் மேற்கொண்டு வருகின்றனர்.
இவர்களை தடுத்து நிறுத்துவதற்காக செயற்பட்டு வரும் நக்சல் ஒழிப்பு படை என்ற தனிப்படை பிரிவு காட்டுப் பகுதிகளில் மறைந்திருக்கும் நக்சலைட்களையும், மாவோயிஸ்ட்களையும் கைது செய்தும், சுட்டுக் கொன்றும் வருகின்றனர்.
இந்நிலையில், ஜார்கண்ட் மாநிலத்தில் உள்ள சிரந்தாக் காட்டுப்பகுதியில் பாதுகாப்புப் படையினர் இன்று காலை தேடுதல் நடவடிக்கையில் ஈடுபட்ட போது பாதுகாப்புப் படையினருக்கு, மாவோயிஸ்டுகளுக்கும் இடையே துப்பாக்கிச்சண்டை இடம்பெற்றதாகவும் . இந்த துப்பாக்கிச்சண்டையில் ஐந்து மாவோயிஸ்டுகள் சுட்டுக் கொல்லப்பட்டதாகவும் காவல்துறையினர் தெரிவித்துள்ளனர். மேலும் சுட்டுக்கொல்லப்பட்டவர்களிடம் இருந்து மூன்று ஏ.கே. 47 ரக துப்பாக்கிகள் பறிமுதல் செய்யப்பட்டுள்ளதாகவும் காவல்துறையினர் தெரிவித்துள்ளனர்.
