குளோபல் தமிழ்ச் செய்தியாளர்
ஊடகவியலாளர் ஒருவருக்கென ஸ்பெய்னிலிருந்து அனுப்பப்பட்டதாக தெரிவிக்கப்படும் ஹஷீஸ் (Hasis) என்ற வகைப் போதைபொருள் இன்றைதினம் சுங்க அதிகாரிகள் கைப்பற்றப்பட்டுள்ளது. குறித்த போதைப்பொருள் கொழும்பு மத்திய தபால் நிலையத்தில் வைத்து கைப்பற்றப்பட்டுள்ளதாக சுங்க திணைக்களத்தின் ஊடக பேச்சாளர் சுனில் ஜயரத்தன தெரிவித்துள்ளார்.
மேலும் குறித்த போதைபொருளானது நுகேகொட பிரதேசத்தை சேர்ந்த சுதந்திர ஊடகவியலாளர் ஒருவருக்கு அனுப்பட்டுள்ளதாக தெரியவந்துள்ளது எனவும் குறித்த ஊடகவியலாளருக்கு ஸ்பெய்னிலுள்ள நண்பர் ஒருவரால் அனுப்பட்டிந்த பொருட்களுக்குள் இந்த போதைபொருள் மறைத்து வைக்கப்பட்டிருந்த நிலையிலேயே கைப்பற்றப்பட்டுள்ளது அவர் தெரிவித்துள்ளார்.
மேலும் கைப்பற்றப்பட்ட போதைப்பொருள் 1கிலோ 400; கிலோகிராம் எனவும் அதன் பெறுமதி சுமார் 14 லட்சம் ரூபாய் எனவும் தெரிவிக்கப்பட்டுள்ளது. அதேவேளை நண்பரால் அனுப்பப்பட்ட பொருட்களை பெற்றுக் கொள்வதற்காக கொழும்பு மத்திய தபால் நிலையத்திற்கு சென்ற குறித்த ஊடகவியலாளர் கைது செய்யப்பட்டு விசாரணக்குட்படுத்தப்பட்டுள்ளார் என்பது குறிப்பிடத்தக்கது
