உலகக்கோப்பை கால்பந்து போட்டி – டென்மார்க் – பிரான்ஸ் வெற்றி , அர்ஜென்டினா – ஐஸ்லாந்து சமனிலை

 
இன்று நடைபெற்ற உலகக்கோப்பை கால்பந்து போட்டியில் டென்மார்க் அணி 36 ஆண்டுகளுக்கு பின் களமிறங்கிய பெரு அணியை வீழ்த்தியுள்ளது. ‘சி’ பிரிவில் இடம்பிடித்துள்ள டென்மார்க், பெரு அணிகள் போட்டியிட்ட நிலையில் இரண்டாவது பாதிநேர ஆட்டத்தின் போது டென்மார்க் அணியின் யூசுப் யுராரி கோல் அடித்ததனைத் தொடர்ந்து டென்மார்க் அணி 1-0 என முன்னிலை பெற்றது.

இதேவேளை இன்று பிரான்ஸ் மற்றும் அவுஸ்திரேலிய அணிகளுக்கிடையில் நடைபெற்ற போட்டியில் பிரான்ஸ் அணி 2-1 என்ற கோல் கணக்கில் வெற்றியீட்டியுள்ளது. அதேவேளை அர்ஜென்டினா மற்றும் ஐஸ்லாந்து அணிகளுக்கு இடையிலான போட்டி 1-1 என்ற கணக்கில் சமனில் முடிந்தது.

அடுத்ததாக நடைபெற உள்ள இன்றைய நான்காவது ஆட்டத்தில் குரோசியா – நைஜீரியா அணிகள் போட்டியிடவுள்ளமை குறிப்பிடத்தக்கது