181
தெற்கு எத்தியோப்பியாவில் கடந்த சில தினங்களாக கனமழை பெய்து வருவதனால் தாழ்வான பகுதிகளில் வெள்ளம் சூழ்ந்துள்ளது. இந்தநிலையில் டாவ்ரோ பிராந்தியத்தில் நேற்று செவ்வாய்க்கிழமை ஏற்பட்ட நிலச்சரிவில் 3 வீடுகள்; இடிந்து விழுந்ததில் இடிபாடுகளில் சிக்கி 12 பேர் உயிரிழந்துள்ளனர். மேலும் 4 பேர் பலத்த காயங்களுடன் மீட்கப்பட்டிருப்பதாகவும் அந்நாட்டு ஊடகங்கள் தெரிவித்துள்ளன.
உயிரிழந்தவர்களில் 10 பேரின் உடல்கள் மீட்கப்பட்டுள்ளதாகவும் ஏனைய இருவரின் உடல்களை மீட்கும் பணி நடைபெற்று வருவதாகவும் தெரிவிக்கப்பட்டுள்ளது. மேலும் காயமடைந்தவர்கள் மருத்துவமனையில் அனுமதிக்கப்பட்டுள்ளனர்.
Spread the love
