இலங்கை பிரதான செய்திகள்

சஹாரான் உட்பட 38 பேர் பயிற்சி பெற்ற பயிற்சி முகாம் சுற்றிவளைப்பு -இருவர் கைது


தேசிய தௌஹீத் ஜமாத் அமைப்பின் தலைவரும் கடந்த 21 ம் திகதி இலங்கையில் இடம்பெற்ற குண்டுத்தாக்குதலின் பிரதான சூத்திரதாரியுமான சஹாரான் உட்பட 38 பேர் பயிற்சி பெற்ற பயிற்சி முகாமொன்றை நுவரெலியா காவல்துறையினரும் விசேட அதிரடி படையினரும் இன்று (06.05.2019 ) சுற்றி வளைத்துள்ளனர்

அம்பாறை கல்முனை சாய்ந்தமருது பிரதேத்தில் ஐ.எஸ் அமைப்புடன் தொடர்புடைய சந்தேக நபரை கைது செய்து விசாரணைகளை மேற்கொண்டதனையடுத்து, அவர் தெரிவித்த வாக்குமூல அடிப்படையிலேயே மேற்படி நுவரெலியா காவல்துறைப் பிரிவிற்குட்பட்ட இரண்டு மாடி கட்டிடமொன்றை காவல்துறையினரும் விசேட அதிரடி படையினரும் சுற்றிவளைத்துள்ளனர்

நுவரெலியா காவல்துறைப் பிரிவிற்குட்பட்ட பிளக்பூல் பகுதியில் உள்ள பாடசாலைக்கு மிக அருகிலுள்ள இரண்டு மாடி கட்டிடமே இவ்வாறு சுற்றி வளைக்கப்பட்டுள்ளது.

சஹாரான் உட்பட 38 பேர் வரையில் டி 56 ரக துப்பாக்கியை மீள் பொருத்தும் பயிற்சி அளிக்கப்பட்டதாகவும், கடந்த 21 ம் திகதிக்கு முன்னராக ஏப்ரல் 17 ம் திகதி தாக்குதலுகான இறுதி பயிற்சி சஹாரான் தலைமையில் இந்த கட்டிடத்திலே மேற்கொண்டுள்ளதுடன், குறுகிய கால குத்தகை அடிப்படையிலே குறித்த இரண்டு மாடி கட்டிடம் குத்கைக்கு பெற்றுள்ளனர் என ஆரம்ப கட்ட விசாரணையிலிருந்து தெரியவந்துள்ளதாக நுவரெலியா காவல்துறையினர் தெரிவித்தனர்.

மேலும் சுற்றிவைக்கப்பட்ட இரண்டு மாடி கட்டிடத்தின் உரிமையாளர் உட்பட பணியாளர் ஒருரையும் சந்தேகத்தின் பேரில் காவல்துறையினர் கைது செய்துள்ளனர்.

கைது செய்த நபர்களிடம் தொடர்ந்தும் விசாரணைகளை நடத்தி வருவதாகவும் தெரிவித்த நுவரெலியா காவல்துறையினர், இச்சம்பவம் குறித்து மேலதிக விசாரணைகளை நுவரெலியா காவல்துறை அத்தியட்சகர் ஐ.பீ.பி.சுகதபால, நுவரெலியா காவல்துறை பொறுப்பதிகாரி சந்தன பஸ்நாயக்க, இராணுவத்தின் பிரதானி அசித்த ரணதிலக்க ஆகியோரின் தலைமையின் கீழான குழு மேற்கொண்டு வருவதாகவும் காவல்துறையினர் மேலும் தெரிவித்தனர்.
(க.கிஷாந்தன்)

 

#eastersundaylk  #trainningcamp #nuwereliya #roundup

 

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.