இந்தியா – இங்கிலாந்துக்கிடையே இன்று ஆரம்பமாகவிருந்த ஐந்தாவதும் இறுதியுமான டெஸ்ட் போட்டி ரத்து செய்யப்படுவதாக அறிவிக்கப்பட்டுள்ளது. ஓல்ட் மைதானத்தில் நடைபெறவிருந்த இந்த டெஸ்போட்டி குறித்து இந்திய கிரிக்கெட் கட்டுப்பாட்டு வாரியத்துடன் ஆலோசனை செய்த பின்னா் ரத்து செய்ய முடிவு செய்துள்ளதாக இங்கிலாந்து கிரிக்கெட் வாரியம் தெரிவித்துள்ளது.
கொரோனா பரவல் தொடர்பாக இந்திய வீரர்கள் சிலர் ஆடுவதற்குத் தயக்கம் காட்டி வந்ததுடன் இந்தியப் பயிற்சியாளர் ரவி சாஸ்திரிக்கு கொரோனா தொற்று ஏற்பட்டிருந்தநிலையில் இவ்வாறு போட்டி ரத்து செய்யப்பட்டுள்ளது.
இந்தத் தொடரின் நான்காவது போட்டியில் வெற்றி பெற்றதன் மூலம் இந்தியா 2-1 என்ற கணக்கில் முன்னிலை வகிக்கின்றமை குறிப்பிடத்தக்கது
