மேலுமொரு நிலக்கரி கப்பல் இலங்கையை சென்றடைந்தது

மேலுமொரு நிலக்கரி கப்பல் 60,000 மெட்ரிக் தொன் நிலக்கரியுடன் நேற்று இலங்கையை சென்றடைந்துள்ளதாக இலங்கை நிலக்கரி நிறுவனம் தெரிவித்துள்ளது.

இந்த கப்பலில் இருந்து இன்று நிலக்கரியை தரையிறக்கும் பணிகள் ஆரம்பிக்கப்படவுள்ளதாகவும் இதனால் , நுரைச்சோலை அனல் மின் உற்பத்தி நிலையத்தின் உற்பத்தி நடவடிக்கைகளை தடையின்றி முன்னெடுத்துச் செல்ல முடியும் எனவும் இலங்கை நிலக்கரி நிறுவனம் தெரிவித்துள்ளது.

முன்னர் ஒப்பந்தம் செய்யப்பட்ட நிறுவனத்தின் கப்பலே இவ்வாறு வந்துள்ளதுடன், எதிர்வரும் டிசம்பர் 04ஆம் திகதிக்கு முன்னர் அந்நிறுவனத்தி​ன் மேலும் 04 கப்பல்கள் நாட்டை வந்தடையும் எனவும் தொிவிக்கப்பட்டுள்ளது.

இதேவேளை, நிலக்கரி கொள்வனவு செய்வதற்கான புதிய விநியோகஸ்தர் தெரிவு தொடர்பான ஒப்பந்ததாரருக்கான விண்ணப்ப காலம் நேற்றுடன் முடிவடைந்ததாகவும் இலங்கை நிலக்கரி நிறுவனம் அறிவித்துள்ளது.