தனுஷ்க குணதிலக்க சிட்னியில் கைது

இலங்கை கிரிக்கெட் வீரர் தனுஷ்க குணதிலக்க அவுஸ்திரேலிய சிட்னி காவல்துறையினரால் கைது செய்யப்பட்டுள்ளார். தன்னை பாலியல் ரீதியில் துன்புறுத்தினார் என பெண் ஒருவர் செய்த முறைப்பாட்டின் பேரிலேயே அவா் கைது செய்யப்பட்டுள்ளாா்

சமூகவலைத்தளம் ஊடாக அறிமுகமான 29 வயதான பெண் ஒருவரை , தனுஷ்க பாலியல் துஷ்பிரயோகத்துக்கு உட்படுத்தியுள்ளதாக குற்றம் சுமத்தப்பப்பட்டுள்ள அவா் மீது நான்கு குற்றச்சாட்டுகள் சுமத்தப்பட்டுள்ளது.

இதுதொடர்பில் இலங்கை கிரிக்கெட்நிறுவனம் வெளியிட்டுள்ள அறிக்கையில் பெண் ஒருவரை பாலியல் வன்கொடுமை செய்த குற்றச்சாட்டின் பேரில் குணதிலக்க கைது செய்யப்பட்டுள்ளதாக சர்வதேச கிரிக்கட் பேரவை இலங்கை கிரிக்கெட் நிறுவனத்திற்கு அறிவித்துள்ளதாக குறிப்பிடப்பட்டுள்ளது.

அவர் நாளை (07) நீதிமன்றத்தில் முன்னிலைப்படுத்தப்படவுள்ளதாகவும் அவர் குற்றவாளி என நிரூபிக்கப்பட்டால், அவர் மீது கடும் நடவடிக்கை எடுக்கப்படும் எனவும் அந்த அறிக்கையில் குறிப்பிடப்பட்டுள்ளது.