தாக்குதலுக்குள்ளான சமூக செயற்பாட்டாளர் பியத் நிகேஷல கைது!

தாக்குதலுக்குள்ளான நிலையில் கொழும்பு தேசிய வைத்தியசாலையில் சிகிச்சை பெற்று வந்த சமூக செயற்பாட்டாளர் பியத் நிகேஷல காவற்துறையினரால் கைது செய்யப்பட்டுள்ளார்.

கடுவ​ளை மாநகர சபையின் முன்னாள் பிரதி மேயர் சந்திக்க அபேரத்ன முன்வைத்த முறைப்பாட்டிற்கு அமைய அவர் கைது செய்யப்பட்டுள்ளதாக காவற்துறையினர் தெரிவித்துள்ளார்.

சமூக செயற்பாட்டாளர் பியத் நிகேஷல நேற்று(10.05.21) பிற்பகல் வீடு திரும்பிக்கொண்டிருந்த சந்தர்ப்பத்தில் பத்தரமுல்லை, கொஸ்வத்தை சமகி மாவத்தை பகுதியில் தாக்குதலுக்கு உள்ளாகியிருந்தார்.

இரு வாகனங்களில் சென்ற கடுவளை முன்னாள் பிரதி மேயர் சந்திக்க அபேரத்ன தம் மீது தாக்குதல் மேற்கொண்டதாக பியத் நிகேஷல தெரிவித்திருந்தார்.