இலங்கை மகளிர் அணி முதல் தடவையாக இங்கிலாந்து மகளிா் அணிக்கு எதிரான கிரிக்கெட் தொடரைக் கைப்பற்றி சாதனை படைத்துள்ளது. இங்கிலாந்து மகளிர் அணிக்கெதிரான சர்வதேச இருபதுக்கு 20 கிரிக்கெட் தொடரையே இவ்வாறு 2 க்கு 1 எனும் கணக்கில் இலங்கை மகளிர் அணி வென்றுள்ளது.
முதல் இரண்டு போட்டிகளில் 2 அணிகளும் தலா ஒரு வெற்றியை பெற்றிருந்த நிலையில், மூன்றாவது போட்டியில் இலங்கை அணி வெற்றி பெற்று தொடரைக் கைப்பறிறியுள்ளது.
இங்கிலாந்தின் Derby நகரில் நடைபெற்ற இந்தப் போட்டியில் முதலில் துடுப்பெடுத்தாடிய இங்கிலாந்து அணி, 19 ஓவர்களில் 9 விக்கெட் இழப்பிற்கு 116 ஓட்டங்களை பெற்றது. இதனையடுத்து 117 ஓட்டங்களை வெற்றி இலக்காகக் கொண்டு துடுப்பெடுத்தாடிய இலங்கை அணி, 17 ஓவர்களில் 3 விக்கெட் இழப்பிற்கு வெற்றியை அடைந்தது.
இதற்கமைய, இங்கிலாந்து மகளிர் அணிக்கு எதிரான 3 போட்டிகள் கொண்ட சர்வதேச இருபதுக்கு 20 தொடரை 2 க்கு 1 எனும் ஆட்டக்கணக்கில் இலங்கை மகளிர் அணி கைப்பற்றி சாதனை படைத்துள்ளது
