யாழில் இளையோரை போதைக்கு அடிமையாக்கும் கும்பல் – தனியார் வைத்தியசாலை பெண் பணியாளர் உள்ளிட்ட நால்வர் கைது

யாழ்ப்பாணத்தில் மாணவர்கள் மற்றும் பதின்ம வயது இளையோரை  போதைக்கு அடிமையாக்கி , அவர்களுக்கு போதைப்பொருளை விற்பனை செய்து வரும் கும்பல் தொடர்பில் காவல்துறையினருக்கு கிடைக்கப்பெற்ற இரகசிய தகவலின் அடிப்படையில் விசாரணைகளை முன்னெடுத்து வந்தனர்.

விசாரணைகளின் அடிப்படையில் , யாழில் உள்ள தனியார் வைத்தியசாலையில் பணிபுரியும் பெண்ணொருவர் உள்ளிட்ட நால்வரை நேற்றைய தினம் வியாழக்கிழமை பொலிஸார் கைது செய்தனர்.

கைது செய்யப்பட்ட நபர்களை  காவல் நிலையத்தில் தடுத்து வைத்து விசாரணைகளை முன்னெடுத்து வரும்  காவல்துறையினர் , கைது செய்யப்பட்ட பெண் உள்ளிட்ட நால்வரும் போதைப்பொருளுக்கு அடிமையானவர்கள் எனவும் , குறித்த நபர்கள் யாழில் இயங்கும் பாரிய போதைக்கும்பலின் வலையமைப்பை சேர்ந்தவர்கள் என்றும் , தொடர் விசாரணைகளின் அடிப்படையில் ,அவர்களின் வலையமைப்பை கைது செய்வதற்கு உரிய நடவடிக்கைகளை முன்னெடுத்து உள்ளதாகவும்   தெரிவித்தனர்.