முருங்கனில் கோர விபத்து – வயோதிப பெண் பலி

 மன்னார் -மதவாச்சி பிரதான வீதி, முருங்கன் காவல்துறைப்பிரிவிற்கு உட்பட்ட இசைமாலைத் தாழ்வு பகுதியில்  ஹயஸ் ரக வாகனம் மின் கம்பத்துடன் மோதி விபத்துக்கு உள்ளாகியதில்  அதில் பயணித்த 14 பேர் காயமடைந்துள்ளதாக தெரிவிக்கப்பட்டுள்ளது. இந்த சம்பவமானது இன்று (21)மாலை 4 மணியளவில் இடம்பெற்றுள்ளது.

கல்முனையில் இருந்து மன்னார் மறிச்சுக்கட்டி  பிரதேசத்திற்கு   வருகை தந்தவர்களின் வாகனம்  ஒன்றே    இவ்வாறு மின் கம்பத்துடன் மோதி விபத்துக்கு உள்ளாகியுள்ளது.

விபத்தில்  காயமடைந்தவா்கள்   முருங்கன் வைத்தியசாலைக்கு கொண்டு செல்லப்பட்டு       மேலதிக சிகிச்சைக்காக அவா்களில்  7 பேர் மன்னார் மாவட்ட பொது வைத்தியசாலைக்கு மாற்றப்பட்டனர்.

இவர்களில் வயோதிப பெண் ஒருவர் சிகிச்சை பலனின்றி உயிரிழந்துள்ளார். வாகனத்தில் பயணித்தவர்கள் ஒரே குடும்பத்தைச் சார்ந்த உறவினர்கள் என தெரிய வருகிறது. விபத்து தொடர்பான மேலதிக விசாரணைகளை  காவல்துறையினா் மேற்கொண்டு வருகின்றனர்.