அமெரிக்க திறைசேரியின் முக்கியஸ்த்தர் ரொபர்ட் கப்ரோத் இலங்கை செல்லவுள்ளார்!

அமெரிக்க திறைசேரியின் ஆசியாவிற்கான பிரதி உதவி செயலாளர் ரொபர்ட் கப்ரோத் (Robert Kaproth) அடுத்த வாரம் இலங்கை பயணிக்கவுள்ளார்.

இலங்கைக்கான அமெரிக்க தூதுவர் ஜூலி சங் (Julie Chung) தனது X பதிவில் இதனை தெரிவித்துள்ளார்.

கப்ரோத் தனது பயணத்தின் போது, ​​அரச அதிகாரிகள் மற்றும் நிதித்துறை தலைவர்களுடன் கலந்துரையாடல்களை முன்னெடுக்க திட்டமிடப்பட்டுள்ளது.

முன்னதாக, 2022 ஆம் ஆண்டு ஒக்டோபர் மாதத்தில் இலங்கைக்கு பயணம் செய்த ரொபர்ட் கப்ரோத், ஜனாதிபதி ரணில் விக்ரமசிங்கவை சந்தித்திருந்தார்.