122
இலங்கை விமானப்படையின் 7வது படைப்பிரிவால் இயக்கப்படும் பெல் 212 ஹெலிகாப்டர், இன்று காலை பயிற்சியின் போது, மதுரு ஓயா நீர்த்தேக்கத்தில் மோதியதில் ஐந்து பாதுகாப்புப் படை வீரர்கள் கொல்லப்பட்டுள்னா்.
மதுரு ஓயாவில் உள்ள சிறப்புப் படை பயிற்சிப் பள்ளியில் பயிற்சி நிறைவு விழாவுடன் இணைந்து நடைபெற்ற பயிற்சி நடவடிக்கையின் போது இந்த சம்பவம் நிகழ்ந்ள்ளது. ஆரம்ப அறிக்கைகளின்படி, அந்த நேரத்தில் ஹெலிகொப்டரில் இரண்டு விமானப்படை விமானிகள் மற்றும் இலங்கை விமானப்படை, சிறப்புப் பணிக்குழு (STF) மற்றும் இராணுவ சிறப்புப் படை (SF) உறுப்பினர்கள் உட்பட 12 பேர் இருந்துள்ளனர்.
ஹெலிகொப்டரில் இருந்த அனைத்து பணியாளர்களும் மீட்கப்பட்டு மருத்துவமனையில் அனுமதிக்கப்பட்டதாகவும், அவர்களில் ஐந்து பேர் பொலன்னறுவை மருத்துவமனையில் அனுமதிக்கப்பட்ட பின்னர் இறந்ததாகவும் தெரிவிக்கப்பட்டுள்ளது. இதற்கிடையில், சம்பவம் குறித்து விசாரிக்க இலங்கை விமானப்படைத் தளபதி 9 பேர் கொண்ட குழுவை நியமித்துள்ளார்.
Spread the love
