கணேமுல்ல சஞ்சீவ கொலை வழக்கு – சட்டத்தரணி குறித்த அதிர்சி தகவல்கள்!

பிரபல பாதாள உலகக் குழுத் தலைவர் கணேமுல்ல சஞ்சீவவின் கொலைத் திட்டத்திற்கு உதவி வழங்கியதாகக் குற்றம் சுமத்தப்பட்டு, பயங்கரவாதத் தடைச் சட்டத்தின் கீழ் தடுத்து வைக்கப்பட்டுள்ள சட்டத்தரணி தமரா குமாரி அபேரத்ன தொடர்பான முக்கிய தகவல்களை குற்றப்புலனாய்வுத் திணைக்களம் (CID) இன்று (05) நீதிமன்றத்தில் அம்பலப்படுத்தியுள்ளது.

சட்டத்தரணி கைது செய்யப்பட்டபோது கைப்பற்றப்பட்ட சுமார் 2.5 கோடி ரூபாய் பெறுமதியான ‘ஹோண்டா வெசல்’ (Honda Vezel) ரக கார், வில்பிரட் திசாநாயக்க என்பவரின் பெயரில் பதிவு செய்யப்பட்டிருந்தது. எனினும், அந்த நபர் வழங்கிய வாக்குமூலத்தின்படி: சட்டத்தரணியே தனது சொந்தப் பணத்தில் இந்த வாகனத்தை வாங்கியுள்ளார். அவரது வங்கிக் கணக்குகளில் இடம்பெற்ற பாரிய பணப்பரிமாற்றங்கள் குறித்து CID தீவிர விசாரணைகளை ஆரம்பித்துள்ளது.

கொலைச் சம்பவத்தை அரங்கேற்றிய துப்பாக்கிதாரிக்கு, சட்டத்தரணி தமரா குமாரி அபேரத்ன மிக நுணுக்கமாக உதவியுள்ளமை விசாரணையில் தெரியவந்துள்ளது. அவர் வழங்கியதாகக் கூறப்படும் பொருட்கள்:

சட்டத்தரணிகளுக்கே உரித்தான 2 கழுத்துப்பட்டிகள் (Neck bands). சட்டத்தரணிகளின் வாகனங்களில் ஒட்டப்படும் அதிகாரப்பூர்வ இலச்சினை (Sticker). தண்டனைச் சட்டக்கோவை மற்றும் குற்றவியல் நடைமுறைச் சட்டக்கோவை புத்தகங்கள். போலி சட்டத்தரணி அடையாள அட்டை தயாரிப்பதற்கான புகைப்படங்கள் அடங்குவதாக தெரிவிக்கப்பட்டுள்ளது.

குற்றவாளிகள் சட்டத்தின் பிடியிலிருந்து தப்பிக்க சட்டத்தரணியின் அடையாளத்தையே கேடயமாகப் பயன்படுத்த முற்பட்டமை நீதிமன்றத்தில் பெரும் பரபரப்பை ஏற்படுத்தியுள்ளது. மேலதிக விசாரணைகளை CID தொடர்ந்து முன்னெடுத்து வருகின்றது.

________________________________________

#SriLankaNews #GanemullaSanjeewa #CrimeInvestigation #CID #LegalNews #SriLankaPolice #CourtUpdate #BreakingNews #LKA #TamilNews #Justice #UnderworldCrime