371
ஈரானில் கடந்த ஜனவரி மாதம் நடைபெற்ற போராட்டங்களின் போது அந்நாட்டு அரசு இணையச் சேவையை முடக்கியது. இதை எதிர்கொள்ள போராட்டக்காரர்களுக்கும் ஆர்வலர்களுக்கும் உதவ இந்த முனையங்கள் கடத்தப்பட்டதாகக் கூறப்படுகிறது.
ஈரானில் நிலவி வரும் இணையதள முடக்கத்தை முறியடிக்க, அமெரிக்காவின் டிரம்ப் நிர்வாகம் கடந்த மாதம் சுமார் 6,000 ஸ்டார்லிங்க் (Starlink) செயற்கைக்கோள் இணைய முனையங்களை ரகசியமாக அந்நாட்டிற்குள் அனுப்பியுள்ளதாக தகவல்கள் வெளியாகியுள்ளன.
ஈரானில் கடந்த ஜனவரி மாதம் நடைபெற்ற போராட்டங்களின் போது அந்நாட்டு அரசு இணையச் சேவையை முடக்கியது. இதை எதிர்கொள்ள போராட்டக்காரர்களுக்கும் ஆர்வலர்களுக்கும் உதவ இந்த முனையங்கள் கடத்தப்பட்டதாகக் கூறப்படுகிறது.அமெரிக்க வெளியுறவுத்துறை இதற்காக சுமார் 7,000 முனையங்களை வாங்கியுள்ளதாகவும், அதில் 6,000 முனையங்கள் ஏற்கனவே ஈரானுக்குள் விநியோகிக்கப்பட்டுவிட்டதாகவும் Wall Street Journal செய்தி வெளியிட்டுள்ளது.
இணைய சுதந்திரத்திற்கான பிற திட்டங்களுக்கு ஒதுக்கப்பட்ட நிதியை மறித்து, இந்த ஸ்டார்லிங்க் கருவிகளை வாங்க டிரம்ப் நிர்வாகம் பயன்படுத்தியுள்ளது.
ஈரானிய மக்கள் உலக நாடுகளுடன் தொடர்பில் இருக்கவும், உள்நாட்டு அடக்குமுறைகளை வெளிச்சத்திற்குக் கொண்டு வரவும் இந்த நடவடிக்கை எடுக்கப்பட்டுள்ளது.
ஈரானில் ஸ்டார்லிங்க் கருவிகளை வைத்திருப்பது சட்டவிரோதமானது மற்றும் சிறைத்தண்டனைக்குரியது என்ற போதிலும், பல்லாயிரக் கணக்கான மக்கள் தற்போது அங்கு செயற்கைக்கோள் மூலம் இணையத்தைப் பயன்படுத்தி வருவதாக ஆய்வாளர்கள் தெரிவிக்கின்றனர்.
________________________________________
Spread the love
